Jóhanna án stjórnar á sjálfri sér

Jóhanna Sigurðardóttir, sem á að stjórna ríkisstjórninni og stjórnarmeirihlutanum, missti gjörsamlega stjórn á sjálfri sér og hugsunum sínum við dóm Hæstaréttar um að lög og framkvæmd gæluverkefnis hennar stæðust ekki skoðun og því dæmdist kosningin til Stjórnlagaþings löglaus og ómarktæk.

Í stað þess að viðurkenna klúðrið, reyndi Jóhanna í mikilli geðshræringu að kenna Sjálfstæðisflokknum um hvernig fór, enda flokkurinn "skíthræddur" við einhverjar breytingar á stjórnarskránni, sem Jóhanna lét sig dreyma um að Stjórnlagaþingið myndi leggja fyrir Alþingi og mun þá hafa átt við "þjóðareign" á auðlindunum, sem Sjálfstæðisflokkurinn hefur reyndar alltaf stutt, en Jóhanna var alls ekki með sjálfri sér og gerði því engan mun á réttu og röngu í seinni ræðu sinni á Alþingi í dag.

Sú ræða var Jóhönnu til enn meiri minnkunnar en hún hefur orðið sér áður og ef til vill stjórnast það af því, að hún gerir sér fulla grein fyrir því að nú sé í raun ekkert annað fyrir hana að gera en að segja af sér og boða til kosninga.

Forsætisráðherra, sem ekki hefur stjórn á sjálfum sér, verður að víkja og það strax.

Íhaldið er „skíthrætt“

Jóhanna vill stýra bananalýðveldi

Víða í þróunarríkjum fara kosningar þannig fram að engum dettur í hug að taka þær alvarlega, enda eru lög um framkvæmd þeirra iðulega stórgölluð og ríkjandi stjórnendur láta starfsmenn sína svindla með kosninganiðurstöðurnar þannig að niðurstaða kosninga verði alltaf í samræmi við vilja valdhafanna.  

Nú hefur Jóhanna Sigurðardóttir skipað sjálfri sér í hóp slíkra ráðamanna, sem hagræða kosningum eins og þeim sýnist og Íslandi þar með í hóp bananalýðvelda, sem enginn mun taka mark á framar, taki Alþingi ekki fram fyrir hendur Jóhönnu og ríkisstjórnarinnar varðandi niðurstöðu Hæstaréttar um lögmæti kosninganna til stjórnlagaþings.

Jóhanna lýsir því blákalt yfir að með einhverjum ráðum verði að komast fram hjá niðurstöðu Hæstaréttar og koma niðurstöðu kosninganna í framkvæmd með öllum tiltækum ráðum og væntanlega mun hún ekki láta lög og reglur standa í vegi fyrir því, frekar en fyrri daginn.

Viðhangandi frétt endar svo: "Sagði Jóhanna að forsætisnefnd Alþingis verði að fjalla um málið og leita yrði allra leiða til að tryggja að stjórnlagaþingið verði haldið.. Ýmislegt kæmi til greina, svo sem hvort setja ætti lög sem heimiluðu að Alþingi kysi 25 fulltrúa á stjórnlagaþing, hugsanlega þá sömu sem kosnir voru í nóvember."

Það næsta sem hlýtur að gerast í þessu máli er að Jóhanna fari strax í fyrramálið á Bessastaði til að biðjast lausnar fyrir sig og ráðuneyti sitt og í framhaldi af því verði boðað til kosninga til Alþingis.

Ríkisstjórn, sem við tekur eftir þær kosningar, tekur síðan væntanlega ákvörðun um það, hvort kjósa skuli nýtt stjórnlanaþing.  Verði það niðurstaðan verður að ætlast til þess að lögin þar um standist. 

 

Kemur ekki til greina að hætta við

Þvílíkt klúður - ríkisstjórnin ábyrg

Mesta klúður í samanlagðri stjórnmálasögunni er orðin staðreynd með þeim dómi Hæastaréttar að kosningin sem fram fór til Stjórnlagaþings sé ógild vegna annmarka á framkvæmdinni.

Stjórnlagaþingið var eitt af gæluverkefnum ríkisstjórnarinnar og hún var búin að hafa tæp tvö ár til undirbúningsins og kosnaðurinn við undirbúninginn, framkvæmd kosninganna og þinghaldið sjálft, sem átti að hefjast eftir þrjár vikur, hefur hlaupið á hundruðum milljónum króna.

Annað eins kjaftshögg hefur stjórnsýslu landsins aldrei verið gefið og ábyrgðina ber Jóhanna Sigurðardóttir, sem hlýtur að verða búin að panta viðtal við forsetann fyrir kvöldið, til þess að segja af sér forsætisráðherraembættinu og óska eftir nýjum kosningum.

Flótlega eftir þær kosningar þarf síðan að stefna ýmsum ráðherrum stjórnarinnar fyrir Landsdóm vegna allra þeirra afglapa, sem einkennt hafa störf þeirra.

Stjórnlagaþingskosning ógild

Sannleikann í dagsljósið strax

Upp er komin ákaflega undarleg staða vegna símtals sem þeir áttu sín á milli seðlabankastjórar Íslands og Englands í októberbyrjun árið 2008 og segir Davíð Oddson, þáverandi seðlabankastjóri Íslands, að Mervyns Kings, bankastjóri Englandsbanka, hafi sagt að Icesaveskuld Landsbankans yrði látin niður falla, færi Landsbankinn á hausinn.

Nú harðneitar Kings að hafa látið þau orð falla, en virðist ekki hafa vitað að til væri upptaka af samtalinu og þegar það kom í ljós hafnar hann með öllu að útskrift af samtalinu verði birt opinberlega og ber við að rædd hafi verið ýmis viðkvæm málefni hinna og þessara bankastofnana.

Að sjálfsögðu þyrfti ekki að birta eitt eða neitt um annað en það sem sagt var um Icesave og hlýtur það að veikja málstað Kings verulega að þora ekki að gefa heimild til að sá hluti samtalsins verði birtur. Fjárlaganefnd Alþingis fékk að lesa úrdrátt úr símtalinu á fundi í kvöld og segja fulltrúar nefndarinnar að innihaldið hafi verið "áhugavert", en því miður séu þeir bundnir trúnaði um það.

Þetta er algerlega óviðunandi fyrir almenning í landinu og það allra minnsta sem fulltrúar hans á Alþingi geta gert, er að upplýsa hvor fer með rétt mál, Davíð eða Kings, því annaðhvor hlýtur að segja ósatt og þjóin á fullan rétt á að vita hvor þeirra það er.

Það er alger lágmarkskrafa að þeir þingmenn sem lásu úrdráttinn í kvöld, hunskist til þess strax í fyrramálið að varpa endanlegu og réttu ljósi á málið og kveða niður allar sögusagnir í eitt skipti fyrir öll.

Fengu að sjá samtal Davíð og Kings

ASÍ hörfar af hólmi kjaraviðræðna

ASÍ sýndi þann fádæma ræfildóm í dag að hlaupast frá samræmdum kjarasamningum og láta samningana í hendurnar á einstökum sérsamböndum og félaga, sem að sjálfsögðu mum tefja alla samningagerð og gera hana miklu flóknari en ella.

Þetta gerir ASÍ vegna þess að sambandið treystir sér ekki til að styðja þá sjálfsögðu kröfu SA að grundvöllur atvinnuveganna verði tryggður, ekki síst sjárvarútvegsins sem haldið er í spennitreyju ríkisstjórnarinnar vegna venjulegs ósamkomulags þar á bæ um öll mál, sem varða heill lands og þjóðar.

Ekki er hægt að gera þá kröfu til fyrirtækja í sjárvarútvegi að þau geri samninga til langs tíma án þess að hafa hugmynd um hvaða framtíðargrundvöll til starfsemi sinnar stjórnvöld ætla að búa þeim í framtíðinni varðandi kvótamálin.

Ríkisstjórnin á leik og ætti auðvitað að standa við gerða samninga í þessu efni, en að ætlast til slíks er líklega of mikil tilætlunarsemi, miðað við fyrri gerðir þeirrar ólánsríkisstjórnar sem landsmenn þurfa að búa við um þessar mundir.

Því fyrr sem hún hrökklast frá, því betra.

Viðræðum um samræmda launastefnu hætt

Nú þarf að setja stefnuna á 7. sætið

Miðað við gengi landsliðsins á móti Spánverjum þarf að setja liðinu ný markmið á Heimsmeistaramótinu.

Óraunhæft er að setja markið hærra en á sjöunda sætið og þar með möguleika á að spila um sæti á næstu Ólimpíuleikum.

Ef það takmark næst, verður liðið að hafa meira úthald en núna til þess að ná viðunandi árangri þar.

En: ÁFRAM ÍSLAND.

Hræðilegur fyrri hálfleikur

Aðildar- og aðlögunarviðræður eru ekki það sama

Með falskri spurningu um hvort fólk sé sátt við aðildarviðræður við ESB fæst falskt svar, því þá reikna aðspurðir með að um sé að ræða skuldbindingalausar viðræður, svona til að "sjá í pakkann" og svo verði hægt að ákveða síðar hvort fólk vilji þiggja innihaldið eða ekki.

Ef hins vegar væri spurt um stuðning við það sem er í gangi af hálfu íslensku ríkisstjórnarinnar, þ.e. aðlögunarferli Íslands að regluverki væntanlegs stórríkis ESB er nánast víst að stuðningur svarenda í þannig könnun yrði þveröfugur við það sem falsspurningin gaf.

Á meðan ríkisstjórnin, með Össur Skarphéðinsson í broddi fylkingar, heldur áfram að blekkja þjóðina með hreinum lygum um það sem fram fer í slíku aðlögunarferli, er ekki nema von að svona niðurstöður sjáist í skoðanakönnunum.

Hins vegar er athyglisvert að þjóðin skuli ekki vera farin að sjá í gegn um blekkingarnar því meira að segja forkólfar ESB viðurkenna að um aðlögun sé að ræða, en ekki sakleysislegar athugunarviðræður.

Meirihluti vill halda viðræðum áfram

Icesave í skiptum fyrir ráðuneyti?

Ögmundur Jónasson var harður andstæðingur þess að gengið yrði að fjárkúgunarkröfum Breta, Hollendinga og ESB vegna Icesave og hætti meira að segja sem ráðherra frekar en að samþykkja afarkostina eins og Jóhanna og Steingrím J.

Á ýmsu hefur gengið síða það var og m.a. hefur þjóðin algerlega hafnað því að gerast skattaþrælar þessara erlendu kúgara, en skötuhjúin Jóhanna og Steingrímur J. vinna ennþá í þágu kúgaranna og gegn þjóð sinni og vilja með öllum ráðum koma fjárkúgunarkröfunni á þjóðina og réttlæta það með því, að tekist hafi að kría út afstlátt og þar með sé þetta hálfpartinn bara fjárkúgun á útsöluverði.

Nú segist Ögmundur ætla "að óbreyttu" að samþykkja þessa fjárkúgun, en muni þó skoða málið fram á síðustu stundu, eða allt fram að atkvæðagreiðslu í þinginu. Um leið lætur hann það koma fram, að hann sé nú ekki sammála því að leggja niður Sjávarútvegsráðuneytið og fella það undir Atvinnuvegaráðuneyti, sem aftur myndi kosta Jón Bjarnason ráðherrasæti.

Fróðlegt verður að fylgjast með því hvort niðurstaða ríkisstjórnarinnar og villikattanna í VG að "best fyrir þjóðina" verði að samþykkja fjárkúgunina og ekki síðra verði að halda sjálfstæðu Sjávarútvegsráðuneyti með Jón Bjarnason í þeim ráðherrastóli áfram.

Önnur eins hrossakaup hafa nú farið fram áður milli ríkisstjórnarflokkanna.

Styður Icesave að óbreyttu

Er kerfið fyrir sjúklinga eða starfsfólk?

Guðbjartur Hannesson, velferðarráðherra, ávarpaði málþing Félags fagfólks um endurhæfingu í dag og sagði þar m.a:

"Við eigum öflugar stofnanir sem sinna endurhæfingu þar sem mikil þekking hefur byggst upp í gegnum árin. Margir aðilar koma að endurhæfingarstarfi og gera það vel, en meginvandinn hefur falist í múrum milli kerfa, togstreitu og skorti á samfelldri þjónustu við notendur. Nú höfum við tækifæri til að brjóta niður múrana og byggja up heildstætt kerfi í þágu þeirra sem þurfa á endurhæfingu að halda, hvaða ástæður sem liggja að baki."

Hvort skyldi svona ruglkerfi, sem felst í múrum, togstreytu og skorti á þjónustu við notendur, hafa þróast í takt við þarfir sjúklinga, slasaðs fólks og annarra sem þurft hafa á endurhæfingu að halda, eða smákóngaveldis opinberra starfsmanna sem tröllríður öllu kerfinu og gerir það óskilvirkara og margfalt dýrara en það þyrfti að vera.

Er ekki kominn tími til að stokka upp í öllu kerfinu, ekki eingöngu heilbrigðiskerfinu? 

 

Byggja þarf upp endurhæfingarkerfi

Fáfræði og heimska er ábyrgðum yfirsterkari

Héraðsdómur hefur kveðið upp þann dóm að tveir stofnfjáreigendur í Sparisjóði Norðlendinga og einn í Byr sparisjóði þurfi ekki að greiða lán sem þeir tóku vegna stofnfjáraukninga í þessum sparisjóðum.  Verði þessi dómur staðfestur í Hæstarétti hefur hann gríðalegt fordæmisgildi fyrir alla skuldara landsins, en ekki eingöngu þá sem keyptu stofnfé í sparisjóðum hringinn í kringum landið.

Dómurinn virðist byggjast á þeim rökum að lántakendurnir hafi ekki haft hundsvit á því sem þeir voru að gera og það sé því alfarið á ábyrgð Glitnis banka að hafa lánað slíkum einfeldningum fjármuni, sem þeir höfðu alls engan skilning á og enn síður þeim lánapappírum sem þeir skrifuðu undir og enn síður þeirri ábyrgð sem fylgir því að taka stór lán, allt að eitthundrað milljónum króna.

Þessari niðurstöðu Héraðsdóms hljóta allir kúlulánþegar, banka- og útrásarrugludallar að fagna ákaft, því nú geta þeir borið því við að þeir hafi alls ekki haft nokkurt einasta fjármálavit og því ekki haft hugmynd um hvað þeir voru að gera  og bankarnir sem lánuðu þeim peninga til að spila með í loftbóluhagkerfinu verði því að bera einir ábyrgð á sukkinu, enda hafi enginn maður verið með viti í þjóðfélaginu nema í bönkunum og þeir hafi platað og vélað lánum inn á blásaklausa heimskingjana.

Standist það fyrir Hæstarétti að nóg sé að bera fyrir sig heimsku til að losna undan lántökum sínum mun hver einasti skuldari nýta sér þá röksemd til að losna undan skuldunum og þá fer nú slagorð ýmissa lýðskrumara um 20% almenna niðurfellingu skulda að hljóma eins og brandari.

Við heimskingjarnir bíðum nú spenntir eftir niðurstöðu Hæstaréttar. 

Stofnfjáreigendur sýknaðir