Sum mál henta ekki ríkisstjórnum

Við myndun ríkisstjórnarnefnunnar í vor, var því lofað, að lagt yrði fram frumvarp um þjóðaratkvæðagreiðslur og var talað um að ákveðinn hluti þingmanna, eða kjósenda, myndi geta krafist þjóðaratkvæðagreiðslu um tiltekin mál.

Nú segir Steingrímur J., fjármálajarðfræðingur, að sum mál séu ekki til þess fallin að leggja undir þjóðina.  Ef einhvern tíma kemur fram frumvarpið um þjóðaratkvæðagreiðslur, hvaða mál ætlar ríkisstjórnarnefnan að undanskilja frá slíkum atkvæðagreiðslum? 

Ef til vill á eingöngu að leyfa þjóðaratkvæðagreiðslur um málefni, sem ríkisstjórnarnefnan leggur blessun sína yfir, þrátt fyrir að t.d. 25% kjósenda hefðu óskað eftir þjóðaratkvæðagreiðslu.  Slíkt lýðræði ætti þá aðeins að virka, þegar ríkisstjórnarnefnunni þóknast svo.

Nú hefur um fjórðungur kjósenda skrifað undir áskorun á forseta íslands, um að hann neiti nýjustu útgáfu Icesave langanna staðfestu og skjóti málinu þar með til þjóðarinnar til ákvörðunar.  Þá kemur fjármálajarðfræðingurinn fram og segir að "sum mál" séu ekki fallin til að bera undir þjóðina.

Þvílík hræsni.

Ríkisstjórnarnefnan hefur sýnt það í þessu máli, að sum mál henta ekki hvaða ríkisstjórn sem er, til afgreiðslu.

Sum mál henta ekki í þjóðaratkvæðagreiðslu

Athugasemdir

[Jón Snæbjörnsson, 4.12.2009 kl. 11:49]

það er ekkert að marka þessa ríkisstjórn - komst til valda á "svikum" og fer frá völdum með skömm

[Magnus (IP-tala skráð) 4.12.2009 kl. 11:58]

er ekki kominn tími til að taka framm búsáhöldin núna !!!!!!!!!

[Sigurður Baldursson, 4.12.2009 kl. 12:35]

Lyktar af einræði, kannski að Steingrímur hafi það á stefnuskránni

[Baldur (IP-tala skráð) 4.12.2009 kl. 13:12]

Steingrímur er orðinn sú persóna sem hann gagnrýndi ávallt sem mest.  Valdagráðugt skrípi.  Það hafa fáir ef einhverjir stjórnmálamenn fallið jafn hratt í áliti hjá þjóðinni og Steingrímur hefur gert núna.  Lygarnar, siðleysið, rolu og aumingjahátturinn sem hafa einkennt hann síðan kallinn komst við völd er ógeðfellt!  Steingrímur er ekkert skárri en útrásarvíkingar og forverar hans í Ríkisstjórn, í raun verri.

[Rafn Gíslason, 4.12.2009 kl. 14:36]

Það er okkur vinstri mönnum og fyrrum félögum sorglegt að horfa upp á hvernig valdagræðgin og hatrið á stjórnmálaandstæðingum getur farið með suma menn og er Steingrímur J gott dæmi um það og víti til varnaðar.