Nú er nóg komið af pukrinu, Steingrímur

Ríkisstjórnarnefnan, sem nú situr illi heilli við völd í landinu, hefur prédikað að "allt skuli vera uppi á borðum" og stjórnsýslan skuli vera "opin og gagnsæ".

Þetta er fyrir löngu farið að hljóma eins og öfugmælavísa, en með þessari yfirlýsingu Steingríms J., fjármálajarðfræðings, tekur þó steininn úr:  "Sumar ástæður þess að Icesave-málið verður að klára sem fyrst í þinginu eru ekki þess eðlis að hægt sé að greina frá þeim í ræðustól Alþingis."

Hvaða pukur er nú þetta?  Hvaða tök hafa þrælapískarar Breta og Hollendinga á ríkisstjórnarnefnunni, sem ekki má upplýsa?  Hvaða ríkisleyndarmál varða þetta mál, sem almenningur í landinu má alls ekki fá vitneskju um?  Eiga skattgreiðendur að borga brúsann, án þess að fá nokkurn tíma að vita hversvegna?

Svona leyndarhjúpur gengur ekki.  Nú er fjármálajarðfræðingurinn búinn að ýja að einhverjum þvingunum, sem ríkisstjórnarnefnan er beitt, á bak við tjöldin og það er skýlaus krafa, að hann upplýsi hvaða öfl, eða þjóðir standa að þeim þvingunum.

Viti stjórnarandstaðan hvað hér er um að vera, ber henni skylda til að upplýsa það, ef ríkisstjórnarnefnan druslast ekki til þess.

Verður að klára Icesave af ótilgreindum ástæðum

Athugasemdir

[Axel Þór Kolbeinsson, 30.11.2009 kl. 15:52]

Sigmundur Davíð fór í ræðustól stuttu seinna og kannaðist ekkert við þessar ótilgreindu ástæður fjármálaráðherra.

[Finnur Bárðarson, 30.11.2009 kl. 16:03]

Kanski Amnesia hjá Sigmundi.

[Haraldur Baldursson, 30.11.2009 kl. 16:05]

Takið nú karlinn upp, leggið hann yfir öxila á ykkur, klappið honum á bakið og sjáið til hvort hann nái ekki að ropa því upp hað hann á við...

[Gulli (IP-tala skráð) 30.11.2009 kl. 16:16]

"Allt upp á borðið"

[Jón Óskarsson, 1.12.2009 kl. 17:25]

Hvar er þetta "borð" sem allt átti að fara upp á hjá þessari ríkisstjórn og hvar er skjaldborgin ?  Spaugstofan hefur nokkrum sinnum lýst þessu á mjög táknrænan hátt, nú síðast með því að sýna "autt blað".