Alger uppgjöf í gengismálum

Nokkrum sinnum hefur hér verið fjallað um það, sem ríkisstjórnin sagði vera sitt helsta stefnumál, þegar hún nánast hrifsaði til sín völdin í janúarlok s.l.  Fyrsta frumvarpið sem hún lagði fyrir þingið og fékk samþykkt, var að reka seðlabankastjórana og koma á nýrri peningastefnunefnd.  Þetta átti að vera til þess að koma skikki á stjórn peningamálanna og stuðla að styrkingu krónunnar, að ekki sé talað um snarpa stýrivaxtalækkun.

Þegar norski förusveinninn og peningastefnunefndin tóku völdin í seðlabankanum þann 27. febrúar s.l. stóð gengisvísitalan í 186,95 stigum, en í dag endaði hún í 226,90 stigum.  Þetta þýðir gengislækkun krónunnar um 21,37%.  Lánið frá AGS átti eingöngu að nota til að styrkja gjaldeyrisforðann og þar með að styrkja krónuna.  Þessi þróun sýnir að ríkisstjórnin er algerlega getulaus í þessum efnum og grunur vaknar um að sama getuleysið verði að ræða í öðrum málum.

Nú eru gengislánin óðum að koma úr "frystingu" og ætli þeim sem skuldaði þann 27/02 síðast liðinn, t.d. 30.000.000 krónur í myntkörfuláni, bregði ekki við að sjá að í dag skuldar hann 36.411.000 krónur.

Þetta sýnir í hnotskurn hvernig ríkisstjórnin tekur á skuldavanda heimilanna.

 

Gengi krónunnar lækkar um 2%

Athugasemdir

[Páll A. Þorgeirsson (IP-tala skráð) 18.5.2009 kl. 17:09]

Góðar ábendingar hjá þér.

Það "örsmáa" sem ríkisstjórnin hefur gert hefur lítið eða ekkert gagnast.  Það á eftir að taka á ótrúlega erfiðum málum og ég get bara ekki með nokkru móti séð hvernig ríkisstjórnin á að geta það.  Ég sagði í upphafi að Jóhanna og Steingrímur væru, vegna ráðherrastóla, að hlaupa í blindni útí verkefni sem þau og þeirra fræðingar hefðu ekki getu til að takast á við.  Eftir því sem þau hafa setið lengur í ráðherrastólum hefur vandinn aðeins vaxið í höndum þeirra.  Ég tel að margt af því sem þau hafa framkvæmt komi þjóðin til með að fá í yfir sig aftur með enn meiri þunga.  Bankahrun-II nálgast óðum, hvað gera núverandi ráðamenn þá.  Tilkynna afsögn vegna getuleysis og..........   

[Ragnar Þórisson (IP-tala skráð) 18.5.2009 kl. 19:12]

Ekki veit ég hvort það sé góð lausn að reyna að handstýra genginu niður. Gengið fer einfaldlega eftir framboð og eftirspurn. Ef við förum að eyða AGS láninu til að kaupa gengið upp þá verður það aldrei annað en skammtímalausn.

Kannski eru til einhverjar patentlausnir - en ég efast einhvernveginn um það.

[Kristján P. Gudmundsson, 19.5.2009 kl. 07:00]

Verðum við ekki að vona, að SJS nái tökum á þessu, hann er jú sterki maðurinn á stjórnarheimilinu ? Heilög Jóhanna er bara leiksoppur síns eigin flokks og samstarfsflokksins, sýnist mér.

SJS verður að hætta að tala og hefja framkvæmdir, því að óánægjan með framkvæmdafælni stjórnarinnar vex með hverjum deginum. Svona nú stjórnarliða, reynið að standa í lappirnar, hipp, hipp og húrra !

Með kveðju, KPG.