Stjórnarandstaða með og án grímu

Jóhanna Sigurðardóttir segir að Samtök atvinnulífsins stundi "grímulausa" stjórnarandstöðu, hvað svo sem hún meinar með því, en SA hafa reyndar bent á grímulaus svik ríkisstjórnarinnar, síendurtekið, vegna flestra þeirra atriða sem stjórnin hefur samþykkt í tengslum við gerð kjarasamninga.

Gylfi Arnbjörnsson, forseti ASÍ og samflokksmaður Jóhönnu, ásamt flestum öðrum forystumönnum verkalýðsfélaga landsins hafa einnig stundað "grímulausa" stjórnarandstöðu með því að mótmæla svikum ríkisstjórnarinnar og það hafa þeir gert af engu minni ákafa en talsmenn atvinnurekenda.

Stór hluti landsmanna stundar nákvæmlega samskonar "grímulausa" andstöðu við þessa voluðu ríkisstjórn, sem hafa verið vægast sagt mislagðar hendur á flestum eða öllum sviðum, nema varðandi skattahækkanir og niðurskurð ríkisútgjalda, sem þó hefur verið gerður í mikilli andstöðu við alla sem hann hefur snert, sem auðvitað var fyrirséð.

Þeir einu sem stunda stjórnarandstöðu með grímu eru samflokksmenn Jóhönnu, sem orðnir eru fullsaddir af þessari ríkisstjórn, en þora ekki ennþá að fella hana.

Grímulaus stjórnarandstaða SA

Athugasemdir

[Ólafur Örn Jónsson, 16.1.2012 kl. 23:42]

Já Axel ég vona svo sannnarlega að Jóhanna grípi nú til kostanna og efni kosningarloforðin. Við þurfum að losna við EINOKUN í atvinnubreinum landsins sem fyrst svo arðurinn dreifist um þjóðfélagið og einstaklingarnir öðlist aftur frelsi til athafna.

[Ásthildur Cesil Þórðardóttir, 17.1.2012 kl. 14:39]

Og Grýlan er..... óttinn við að Sjálftæðismenn komist til valda.   Ég veit svei mér ekki hvort er betra.  En ég vil breyta til og fá fjórflokkinn úr forystusætinu.