Norræn "velferð"

Nú er svo komið að 51% Dana stunda ekki vinnu af ýmsum ástæðum svo sem vegna þess að þeir eur atvinnulausir, elli- eða örorkulífeyrisþegar, börn eða námsmenn. Þau 49% sem eru vinnandi verða að skapa verðmætin sem eiga að standa undir sínum eigin lífskjörum, sem og hinna sem ekki eru vinnandi.

Hér á landi mun hlutfall þeirra sem ekki eru virkir á vinnumarkaði vera á bilinu 40-45%, þó erfitt sé að finna nákvæmar tölur um það á netinu, og sjá allir að slíkt kann ekki góðri lukku að stýra, enda Danir komnir algerlega á endastöð í þessu efni og leita nú allra leiða til að snúa þessari þróun við.

Með áframhaldandi stefnu og störfum "Norrænu velferðarstjórnarinnar" á Íslandi verður þess skammt að bíða að Dönum verði náð í þessari öfugþróun "velferðarinnar".

Velferð verður ekki aukin og þróuð með því að fækka stöðugt vinnandi höndum.

Fáir Danir á vinnumarkaði

Athugasemdir

[Stjáni (IP-tala skráð) 11.8.2011 kl. 11:23]

Hversu margir af þessum 49% ætli séu að vinna fyrir ríkið?

[Emil (IP-tala skráð) 11.8.2011 kl. 19:33]

Norræna stoppistöðin.

Er þetta ekki hluti af vandamálinu sem er að brjótast út í London núna ? Fólk atvinnulaust osfv.

[atlinn (IP-tala skráð) 11.8.2011 kl. 21:57]

Samkvæmt Hagstofu Íslands var mannfjöldi á Íslandi 318.452 einstaklingar 1. Janúar 2011 sl.

 

Á öðrum ársfjórðungi 2011 voru 185.800 manns á vinnumarkaði.  Af þeim voru 170.000 starfandi en 15.800 án vinnu og í atvinnuleit.  Atvinnuþátttaka mældist 83% og atvinnuleysi var 8,5%. Atvinnulausum fækkaði um 400 frá öðrum ársfjórðungi 2010 og starfandi fjölgaði um 500. Atvinnuleysi var 10,2% á höfuðborgarsvæðinu en 5,3% utan þess.  Meðalfjöldi vinnustunda var 40 klst. hjá þeim sem voru við vinnu í viðmiðunarvikunni, 44,2 klst. hjá þeim sem voru í fullu starfi og 25 klst. hjá þeim sem voru í hlutastarfi.

 

Á öðrum ársfjórðungi 2011 voru 185.800 á vinnumarkaði sem jafngildir 83% atvinnuþátttöku. Atvinnuþátttaka karla var 85,6% en kvenna 80,3%. Á öðrum ársfjórðungi 2010 voru 185.700 á vinnumarkaði og atvinnuþátttaka mældist 83,3%.  Atvinnuþátttaka karla var þá 86,9% og kvenna 79,5%. Á höfuðborgarsvæðinu var atvinnuþátttaka 83,7% og 81,5% utan þess.

 

Fólk telst vera starfandi ef það hefur unnið eina klukkustund eða lengur í viðmiðunarviku könnunar eða verið fjarverandi frá starfi sem það gegnir að öllu jöfnu.

 

Þegar litið er til ársmeðaltals frá upphafi vinnumarkaðsrannsókna, eru að jafnaði 90% starfandi fólks við vinnu í viðmiðunarvikum. Sveiflur eru þó nokkrar innan hvers árs vegna sumarfría eða annarra ástæðna.

 

Á öðrum ársfjórðungi 2011 voru að jafnaði 153.700 við vinnu í viðmiðunarvikunni, eða 94,7% af starfandi fólki. Á öðrum ársfjórðungi 2010 var hlutfallið 93,3%. Þá voru 153.200 starfandi fólks að jafnaði við vinnu í viðmiðunarvikunni.  Helstu ástæður fjarvista á öðrum ársfjórðungi 2011 eru: Í fríi 50,1%, í fæðingarorlofi 16,9%, 11,3% vegna veikinda og 7% vegna vinnuskipulags.

 

Af starfandi fólki á öðrum ársfjórðungi 2011 voru 132.100 í fullu starfi, eða 77,7% og 38.000 í hlutastarfi eða 22,3%. Starfandi í fullu starfi fjölgaði um 1.200 frá öðrum ársfjórðungi 2010 og fólki í hlutastörfum fækkaði um 600 manns.  Karlar í fullu starfi voru 87,4% á öðrum ársfjórðungi 2011 og konur 67,4%.

 

Á öðrum ársfjórðungi 2011 var meðalfjöldi vinnustunda 40 klukkustundir hjá þeim sem voru við vinnu í viðmiðunarvikunni, 44,3 hjá körlum og 35,2 hjá konum.  Meðalfjöldi vinnustunda hjá þeim sem voru í fullu starfi var 44,2 klukkustundir, 47,1 hjá körlum og 40,1 hjá konum.  Meðalfjöldi vinnustunda hjá þeim sem voru í hlutastarfi voru 25 klukkustundir, 24,6 hjá körlum og 25,1 hjá konum.

 

Niðurstaða:

 

Af 318.452 íbúum Íslands eru um 170.000 einstaklingar starfandi á Íslandi skv. Hagstofu Íslands, þ.e. rétt rúmlega helmingur íbúa landsins. 

 

Þegar nánar er að gætt má segja að aðeins tæplega helmingur íbúa landsins, eða um 153.700 einstaklingar, hafi verið starfandi á Íslandi skv. Hagstofu Íslands. 

 

Ef að við tökum eingöngu þá sem voru í fullu starfi eru enn færri við störf á Íslandi þar sem að eingöngu 132.100 einstaklingar voru starfandi á Íslandi í fullu starfi af 318.452 íbúum landsins.  Slagar ekki einu sinni upp í helming af íbúum hins íslenska lýðveldis.

 

Kv.

 

Atlinn

[Gunnr (IP-tala skráð) 12.8.2011 kl. 10:00]

Áhugaverðar upplýsingar Atlinn. Samkvæmt þessu eru 41,5% Íslendinga eru í fullu starfi og samanlagt 48.3% í starfi. Þanning erum við með lægri atvinnuþáttöku en Danir, en bendi fremur á að meðalaldur Íslendinga er nokkru lægri, enn sem komið er og við erum með um 58% af íbúm á vinnufærum aldri meðan hlutfallið er talsvert lægra í Danmörku. Niðurstaðan er að við stöndum talsvert verr en Danir.

Hagkerfið hér á meira skylt við Kúbu eða Norður Kóreu og framleiðni á tímaeiningu er helmingi lægri á Íslandi en í Danmörku. Við höfum gjaldeyrishömlur, þurftum að leita á náðir IMF, hruninn hlutabréfamarkað, raunar er meira eða minna mestalt beint eða óbeint í höndum hins opinbera. Orkufyrirtækin, gjaldþrota bankarnir. Gríðarlegur og glórulaus hallarekstur ríkisins og hugmyndir um atvinnusköpun virðast vera margar vera opinberar/hálfopinberar framkvæmdir.

Hvað ætli stórt hlutfall hjá okkur vinnur hjá hinu opinbera?, hjá ríki?, hjá sveitarfélögum?, í þjónustugeirum?, hjá fjármálastofnunum? Eða í fyrirtækjum sem haldið er uppi og eiga ekki lífsins rétt. Vinnu sem er í raun haldið uppi af ofurskuldsettum ríkissjóði og sveitarfélögum og sú teygja á bráðum eftir að slitna, enda fjölgaði ríkisstarfsmönnum á Íslandi um 27% frá 2000 til 2009.

Íslendingar geta alls ekki litið niður á Dani eða aðra Norðurlandabúa með einhverjum hroka.

[Gunnr (IP-tala skráð) 12.8.2011 kl. 10:16]

"Öfugþróun velferðar" er þegar hagkerfið hefur ekki efni á henni, og þar erum við Íslendingar eitt allra skýrasta dæmið og raunar skipum við okkur á bekk með Grikkjum enda sláum við þeim í ríkishalla 2012 enda hefur núverandi ríkisstjórn gefist upp á að ná tökum á halla ríkissjóðs ætlar að nota naglaklippurnar, með flatan niðurskurð í stað þess að draga fram vélsögina.