Ólafur Ragnar veitir páfa áheyrn

Páfinn hlýtur að hafa heyrt af því að Ólafur Ragnar ætti leið um Rómarborg í næstu viku og umsvifalaust óskað eftir áheyrn hans, a.m.k. hefur verið gefin út fréttatilkynning í Vatikaninu um að Ólafur muni gefa sér tíma til að ráðleggja páfanum í erfiðum úrlausnarmálum.

Ef til vill mun páfinn bjóða Ólafi að verða aðalráðgjafi sinn, enda hefur það spurst út um lönd, að Ólafur hafi yfirgripsmikla þekkingu á hvernig eigi að koma stjórnvöldum í skílning um hver það er, sem í raun ræður og að ekki þýði t.d. fyrir sömu ríkisstjórn að leggja fram svipuð mál tvisvar í röð, án þess að vera tekin til bæna fyrir athæfið.

Verið getur að Ólafur Ragnar taki páfann til bæna á einkafundi þeirra og komi honum í skilning um að ekki dugi að túlka biblíuna alltaf eins og gert hafi verið áður. Bráðnauðsynlegt sé að sýna fólki fram á, að gamli skilningurinn hafi alls ekki verið réttur og enginn sé páfi meðal páfa, nema gefa út sína eigin túlkun á ritningunni.

Verði páfinn nógu bljúgur á fundinum má fastlega gera ráð fyrir að Ólafur Ragnar veiti honum syndaaflausn, gegn loforði um erkibiskupsembætti.

Forsetinn til fundar við páfa

Athugasemdir

[Haukur Kristinsson (IP-tala skráð) 22.2.2011 kl. 21:53]

Þá verður það einnig mjög sögulegt að Ólafur, fyrstur allra íslenskra forseta, muni líklega tefla við páfann í Vatikaninu.

[DoctorE (IP-tala skráð) 22.2.2011 kl. 22:18]

Það er ekkert nema fáránlegt að forsetinn heimsæki páfa, skömm fyrir alla íslendinga.
Hvern fer hann og hittir næst, Josef Fritzl; Eða hvað.

[Haukur Kristinsson (IP-tala skráð) 22.2.2011 kl. 22:26]

Megalomania kallsins er að nálgast krítiska stærð.

[Björn Birgisson, 22.2.2011 kl. 22:50]

Góð færsla. Alla vega glotti ég.

[ransý (IP-tala skráð) 23.2.2011 kl. 00:01]

það var aldrei bannað að hafa gaman af hlutunum  ....

[gös (IP-tala skráð) 24.2.2011 kl. 19:40]

Í öðrum fréttum af páfanum var hann ákærður fyrir glæpi gegn mannkyninu í dag.

http://www.irishtimes.com/newspaper/world/2011/0223/1224290630240.html