Hver á að borga Icesavefjárkúgunarkröfuna?

Fram til ársins 2016 er Steingrímur J. tilbúinn til þess að greiða Bretum og Hollendingum tæpa 60 milljarða króna vegna vaxta af Icesaveskuld Landsbankans, sem allir eru orðnir sammála um að ekki hafi verið, eða sé, nokkur ríkisábyrgð á.  

Steingrímur J. hefur marg lýst því hverslu erfitt og sársaukafullt sé að skera niður í ríkisútgjöldunum og samkvæmt fjárlagafrumvarpi þessa árs er áætlað að skera niður um 27 milljarða króna frá fyrra ári og auka skattheimtu á almenning og fyrirtæki um 12 milljarða til viðbótar við þá skatta sem áður höfðu verið hækkaðir, þannig að skattbyrði er nú a.m.k. 80-90 milljörðum króna meiri en hún var fyrir hrun.

Í dag sagði Steingrímur J. að ekki þýddi að reikna með að ríkissjóður gæti komið að kjarasamningum með afgerandi hætti, enda ríkissjóður galtómur og hefði ekki efni á neinum nýjum útgjöldum.  Þrátt fyrir erfiðleikana við niðurskurð ríkisútgjalda og að geta ekki sé hægt að standa við að hækka persónuafslátt vegna skattlagninar á lágtekjufólk lætur Steingrímur J. sig ekki muna um að leggja til að ríkissjóður taki lán á árinu 2011 til að borga rúma 26 milljarða króna vegna fjárkúgunarkröfu Breta og Hollendinga.

Síðan er gert ráð fyrir að ríkissjóður borgi10,4 milljarða á næsta ári, 8,6 árið 2013, 7 milljarða árið 21014, 5 milljarða 2015 og 1,8 milljarða árið 2016.  Hvergi er skýrt frá því hvaðan þessir peningar eigi að koma, því varla trúir því nokkur maður að fyrsta "hreina vinstri stjórnin" á Íslandi ætli sér að selja landa sína í skattaþrældóm fyrir útlendinga næstu áratugina.

Kjósendur haf reyndar hafnað því sjálfir á eftirminnilegan hátt í þjóðaratkvæðagreiðslu. 

 

Greiða þarf 26,1 milljarð vegna Icesave í ár

Athugasemdir

[Númi (IP-tala skráð) 12.1.2011 kl. 21:45]

Þessi gufuruglaða ríkisstjórn sem ég kaus því miður(sveiattan ég) virðist hafa gleymt því að þjóðin er búin að segja  NEI .

[Bergljót Gunnarsdóttir, 12.1.2011 kl. 23:01]

Þetta er ótrúlegt í ljósi kosninganna, sem úskurðuðu þvert nei.  Ég skil ekki almennilega hvert þetta lið stefnir. Maður gæti bara látið sér detta í hug að það sé ekki alveg með heilann á réttum stað. Ég segi bara eins og unglingarnir fyrir nokkrum árum "Djísös maður". Er ekki lögbrot að halda bara áfram eins og ekkert sé?

[Helga Kristjánsdóttir, 13.1.2011 kl. 01:21]

    Hún kemast upp með nánast allt,ætti að vera farin frá eftir höfnun Icesave.Þá heldur hún áfram í sviksamlegu laumuspili,þessi gagnsæja,eða væri ekki réttara að kalla hana GLÆRA,þessa "leppstjórn Breta"

[Jón Logi (IP-tala skráð) 13.1.2011 kl. 08:43]

Ég bara spyr, er nokkur búinn að samþykkja það?