Vændið og forsjárhyggjufólkið

Dómari í Ortario í Kanada úrskurðaði í gær, við mikinn fögnuð vændiskvenna, að bann við rekstri vændishúsa í ríkinu skyldi afnumið.  Rök vændiskvennanna fyrir afnámi bannsins voru öryggismál þeirra, en eins og gefur að skilja telja þær sig öruggari í viðskiptum sínum innan öruggra veggja vændishúsanna, en í götuharkinu.

Það sem ekki síst er merkilegt við þetta má, er þessi klausa úr fréttinni:  "Athygli vekur að dómarinn, Susan Himel , er kona en í rökstuðningi hennar segir að bann við rekstri vændishúsa og útgerð vændis brjóti í bága við stjórnarskrárbundin rétt einstaklinga til frelsis, athafna og öryggis.

Dómsniðurstaðan er rökstudd í 131 bls. skýrslu sem er aðgengileg hér en á blaðsíðu 24 kemur fram að sönnunargögnum hafi verið aflað á tveggja og hálfs árs tímabili og grein gerð fyrir þeim á alls 25.000 síðum í 88 bindum."  Miðað við þessa rannsókn, sem greinilega hefur verið bæði tímafrek og viðamikil, þá bliknar skýrsla Rannsóknarnefndar Alþingis í samanburðinum, bæði hvað varðar rannsóknartíma og blaðsíðu- og bindafjölda.

Annað sem vert er að veita athygli í fréttinni af þessari rannsókn er niðurlag fréttarinnar, sem hljóðar svona:  "Tekið er fram í skýrslunni að engin ein staðalmynd af vændiskonu dugi til að lýsa vændiskonum í Kanada, enda sé bakgrunnur þeirra sem leggja fyrir sig vændi afar ólíkur. Ástæður þess að konur leggi fyrir sig vændi séu jafn ólíkar og þær séu margar."

Hvað ætli feministar og annað forsjárhyggjufólk segi við þessu?

Vændiskonur fagna sigri

Athugasemdir

[Jóndi (IP-tala skráð) 29.9.2010 kl. 10:17]

Góður pistill.  Umræðan um vændi hér á landi er á svipuðum stað eins og umræðan um brennivín var í byrjun síðustu aldar. Þ.e. brennivínið var alslæmt og því var það bannað.  Í dag er fjallað um að vændi sé alltaf alslæmt og því er bannað að kaupa það hér á landi. 

[Axel Jóhann Hallgrímsson, 29.9.2010 kl. 10:30]

Sóley Tómasdóttir hefur greinilega ekki verið spurð álits úr því þetta fór svona.

[doctore (IP-tala skráð) 29.9.2010 kl. 11:14]

Femínistar og aðrir sem vilja banna vændi, þeir eru VERSTU óvinir kvenna og karla sem eru í vændi...
Femínistar hreinlega styðja við að vændi sé neðanjarðar, þar sem fólk hefur engin réttindi, getur ekki leitað neitt eftir hjálp; Þetta styðja femínistar.


Sama með bann á td kannabis, þeir sem vilja banna það eru að styðja við glæpaklíkur, og vel hugsanlega eru þeir partur af glæpaklíku... eða jafnvel samkeppnisaðili sem framleiðir vín/bjór og annað í þeim dúr.

[jon fannar (IP-tala skráð) 29.9.2010 kl. 13:16]

Eg er samála ykkur og séstaklega þer Doctore þær gera ser ekki grein fyrir hvernig lífið er og verður.enda held eg að þær séu að eyðilegja VG held þeir fái ekki mörg stig næst meðal annars ut af Feministum(Nasistum)

[Níels Sigurðsson (IP-tala skráð) 29.9.2010 kl. 13:21]

Þetta er kjaftshögg fyrir öfgafeminista