Svikaflétta vegna Baugsbréfa afhjúpuð

BGE eignarhaldsfélag var stofnað á sínum tíma af Jóni Ásgeiri í Bónus og félögum hans í þeim tilgangi að sneiða fram hjá hlutafélagalögum, sem banna féagi að lána dótturfélagi fyrir hlutafjárkaupum í móðurfélaginu og því var BGE stofnað, sem einkahlutafélag til þess að komast fram hjá þessum ákvæðum hlutafélagalaganna við fegrun á eigin fé Baugs.  Það gekk þannig fyrir sig að BGE keypti hlutafé í Baugi með láni frá Baugi sjálfum og tók einnig lán hjá Kaupþingi og endurlánaði það fé til eigenda og starfsmanna Baugs og fjármagnaði þannig hlutabréfakaup þeirra í Baugi.

Öll fléttan gekk út á að starfsmennirnir myndu aldrei borga krónu fyrir bréfin, því væntanlega hefur hugsunin verið sú, eins og víðast annarsstaðar hjá Bónusgenginu, að arður af bréfunum ætti að greiða upp kaupverðið á nokkrum árum.  Við gjaldþrot Baugs raknaði öll svikafléttan upp og nú sitja þeir starfsmenn í súpunni, sem létu blekkjast af gylliboðum Bónusgengisins um auðfenginn gróða.

Skýringar Jóns Ásgeirs og félaga um að ekkert veð hefði átt að vera fyrir lánunum frá Kaupþingi stenst ekki skoðun, því Kaupþing lánaði ekki beint til eigenda og starfsmanna, heldur lánaði bankinn peninga til BGE, sem aftur endurlánaði þá til Baugsgengisins og starfsmannanna.  Þrotabú BGE er auðvitað ekki að innheimta vegna lánveitinga Kaupþings til þessara aðila, heldur vegna peninga sem BGE lánaði þeim til að leggja aftur inn í Baug til að fegra stöðuna þar.

Þetta er aðeins ein af minni svikamyllum Bónusgengisins í sambandi við brjálæðislegar lántökur á útrásartímanum, en heildarlántökur gengisins stóðu í um eittþúsund milljörðum króna, þegar spilaborgin hrundi.

Jón Ásgeir hefur gortað sig af því, að hafa gætt þess að setja sig hvergi í persónulegar ábyrgðir fyrir nokkrum hlut, vegna viðskipta á vegum Bónusgengisins og því verður fróðlegt að sjá hvort honum tekst að losa sig við greiðslu á þessari skuld, eins og öðrum.

Skuldir starfsmanna innheimtar

Athugasemdir

[Þráinn Jökull Elísson, 25.8.2010 kl. 20:51]

Einstaklega skýr og greinargóð færsla. Ég hef trú á því að það takist að negla Jón Ásgeir, fyrr eða síðar og um leið, samkv. eðli málsins, þá koma nokkrir þingmannahausar til með að fjúka. Jafnvel nokkrir ráðherrahausar.

[Sigurður Haraldsson, 25.8.2010 kl. 23:46]

Landráða þjófapakk ekki annað hægt að segja um þessa einstaklinga sem hér öllu stálu og eru nú lausir varðir af stjórnvöldumTók eftir orðum eins stjórnandans sem orðrétt er haft eftir honum "ef ég hefði vitað að persónulegar skuldbindingar myndu fylgja þessum lánum þá hefði ég sett það í eignarhaldsfélag sem væri nú komið á hausinn" Af hverju er þetta kerfi okkar svona upp byggt að hægt sé að stofna félög um skuldir og láta þær svo hverfa þegar dæmið gengur ekki upp en hirða gróðann og koma honum undan í skattaskjól ef vel gengur?