Vinna þeir hálfdagsvinnu í heilsdagsstarfi?

Ríkisstjórnin íhugar að fækka ráðuneytum um þrjú, þ.e. sameina sex ráðuneyti og þannig yrðu ráðuneytin 9 í stað 12, eins og nú er.  Þetta á að gera í hagræðingar og sparnaðarskyni, enda ráðuneytin dýrar stofnanir og spara þarf og skera niður á öllum sviðum ríkisrekstrarins.

Ekki veitir af að sameina stofnanir og ráðuneyti, ef verkefnin á hverjum stað eru svo lítil, að starfsmennirnir vinni aðeins hálfan daginn, en séu þó á launum allan daginn og jafnvel með yfirvinnu að auki.  Eins og geta má nærri blöskrar fjármálaráðherranum svona vinnubrögð, enda kom eftirfarandi fram hjá honum á Alþingi í dag, samkvæmt mbl.is:  Í svari sínu rifjaði Steingrímur J. upp að ef búin yrðu til þrjú ráðuneyti úr sex myndi þar verða starfandi þrír ráðherrar í stað sex, þrír aðstoðarmenn ráðherra í stað sex, þrír bílstjórar en ekki sex, þrír ráðuneytisstjórar í stað sex, og um það bil 20 skrifstofustjórar í stað 40."

Til viðbótar þessari upptalningu eru þeir pólitísku aðstoðarmenn ráðherra, sem ráðnir eru inn í ráðuneytin án auglýsinga og eru dæmi um að hver ráðherra ráði sér tvo til þrjá slíka.

Varla verða forystumenn starfsmannafélags ráðuneytanna ánægðir með umsögn Steingríms J. um þennan slæping starfsmanna ráðuneytanna, hálfu og heilu dagana.

Tímasetning sameiningar óákveðin

Athugasemdir

[Ólafur Ingi Hrólfsson, 11.5.2010 kl. 00:27]

Málið er einfalt

eftir að þessi helfararstjórn hefur lokið sér af verður ekkert til að stjórna - ekkert til að byggja upp með -EKKERT verður gert sem jákvætt getur talist - fólkið fer og sjs mun ríkja yfir tómum heimilum - tómum fyrirtækum og tómum ráðuneytum.

Þannig að hversvegna ekki að skera þetta niður eins og allt annað í þessu landi.

[Ólafur Ingi Hrólfsson, 11.5.2010 kl. 00:32]

Gleymdi einu -

Hvað varðar breytingar á ráðuneytum og stofnunum þá hélt ég að Alþingi þyrfti að samþykkja slíkt - sjs talar eins og hann ætli bara að tilkynna því hvernig þetta eigi að vera og verði.

Kanski bara nýja aðferðin.