Norska ríkisstjórnin skammast sín

Thomas Vemes, blaðamaður hjá ABC Nyheter í Noregi, hefur upplýst, að norska ríkisstjórnin hafi kúvent í afstöðu sinni til afgreiðslu láns til Íslendinga, því nú sé ekki lengur sett það skilyrði, að samþykkt á þrælasölu íslenskra skattgreiðenda til Breta og Hollendinga verði frágengin, áður en lánin verði afgreidd.

Þessu neita norsk stjórnvöld og halda því fram, að slíkt skilyrði hafi aldrei verið sett af sinni hálfu.  Þetta segja þau, þótt marg staðfest hafi verið af norskum ráðherrum, að engin lán yrðu veitt, fyrr en ríkisábyrgðin á skuldum Landsbankans hefði verið samþykkt.

Greinilegt er, að einörð afstaða íslensks almennings gegn þrælasamningnum og væntanleg þjóðaratkvæðagreiðsla, sem mun kolfella lögin, hefur breytt afstöðu Norðmanna, eins og svo margra annarra erlendis að undanförnu.

Norska ríkisstjórnin er augljóslega farin að skammast sín, fyrir stuðninginn við þrælasölu nágranna sinna til erlendra kúgunarþjóða.

Nú er bara að vona að sú íslenska fari að skammast sín og hefji baráttu fyrir málstað eigin landsmanna.

Stendur við fréttina

Athugasemdir

[Jón Valur Jensson, 4.2.2010 kl. 16:36]

Tek undir allt þetta með þér, Axel.

Vonandi er ríkisstjórnin ekki óforbetranleg!

[Íslendingur (IP-tala skráð) 4.2.2010 kl. 16:44]

Batnandi "norð"- mönnum er best að lifa.