Rétta hugarfarið

Aron Pálmason hefur staðið sig eins og hetja á sínu fyrsta stórmóti í handbolta, aðeins 19 ára gamall og rétt að byrja sinn handboltaferil, sem á eftir að verða glæsilegur, enda er drengurinn eitt mesta efni, sem fram hefur komið í heiminum í langan tíma.

Í leikjunum hefur hann barist eins og ljón og skorað fjölda marka, mörg hver með ótrúlegum þrumuskotum langt utan af velli og sú afstaða hans, að það sé "drullufúlt" að berjast um bronsið í staðinn fyrir gullið, lýsir hugarfarinu og keppnisskapinu, sem einkennir drenginn.

Í gær mætti liðið allra sterkasta handboltaliði heimsins um þessar mundir og barðist vel og framan af var leikurinn jafn, þó í ljós kæmi í seinni hálfleik, að Frakkar eru nánast ósigrandi og verða án vafa Evrópumeistarar og hampa þar með þrem titlum á sama tíma, sem er einsdæmi.  Engin skömm er að því, að tapa fyrir slíku liði.

Baráttuandinn, keppnisskapið og sigurvilji handboltalandsliðsins þyrfti að vera fyrirmynd ráðamanna þjóðarinnar, sem eru algerar andstæður við þessa dáðadrengi og hafa hvorki kjark, þor, né vilja til að berjast fyrir hagsmunum þjóðarinnar, allra síst gegn erlendú kúgunarvaldi.

Aron: Stór munur á þriðja og fjórða sæti

Athugasemdir

[Rafn Haraldur Sigurðsson (IP-tala skráð) 31.1.2010 kl. 09:54]

það Verður gaman að fylgjast með honum í framtíðinni.

kveðja

[Theódór Norðkvist (IP-tala skráð) 31.1.2010 kl. 11:02]

Guðmundur á að nota þennan leik til að koma Loga Geirssyni og Ólafi Guðmundssyni betur inn í liðið. Ákveðnir stólpar í liðinu hafa verið að bregðast og ekki skila því sem maður er vanur að sjá til þeirra. Logi getur miklu meira og Ólafur er ekki síður efnilegur en fyrrum félagi hans hjá FH, Aron.