Siðblindir og samviskulausir

Þegar kröfulýsingarfrestir í gömlu bankanna runnu út, skriðu ýmsir samviskulausir og siðblindir banka- og útrásartaparar upp á yfirborðið og lýstu hinum ótrúlustu og ósvífnustu kröfum í búin.

Eigendur og starfsmenn, sem mesta ábyrgð bera á fjárglæfraruglinu, krefja bankana um stjarnfræðilegar laun og stærstu skuldararnir setja fram himinháar skaðabótakröfur "til þess að mynda sér betri stöðu" gagnvart bönkunum, sem þeir skulda ótrúlegar upphæðir.

Útrásartapararnir telja sig svo mikla rekstrarsnillinga og "bestu verslunarrekendur landsins", að þeim finnst ekkert athugavert við, og reyndar sjálfsagt að þeim verði afhent fyrirtækin sín aftur, eftir hundruð milljarða afskriftir skulda.

Að sjálfsögðu á ekki að semja um eitt eða neitt við siðblinda og samviskulausa fjárglæframenn.

Það á að koma þeim undir lás og slá, með öllum tiltækum ráðum, og það sem allra fyrst.

Tortólusjóður skuldara Kaupþings krefst bóta

Athugasemdir

[Lúðvík Lúðvíksson, 23.1.2010 kl. 09:51]

Nú er bara að hvetja alla til að mæta á austurvöll í dag kl 15.

www.nyttisland.is

[Sigurður Haraldsson, 23.1.2010 kl. 12:56]

Rétt Axel þessir fjárglæframenn eiga ekki að ganga lausir það er allt að verða vitlaust gagnvart þessum aðilum hingað og ekki lengra!