Kínverski drekinn sýnir tennurnar

Kínversk stjórnvöld hóta óskilgreindum hefndum gegn hverju því ríki, sem dirfast mun að láta fulltrúa sinn mæta við afhefndingu friðarverðlauna Nóbels, sem fram fer í Ósló í desember, en þá á að afhenda formlega verðlaun þau er skáldinu og andófsmanninum  Liu Xiaobo var veitt nýlega, í mikilli óþökk kínversku stjórnarinnar.

Þó Kínverjar séu orðnir efnahagslegt stórveldi og munu verða næsta heimsveldi sen áhrifamest verður í veröldinni, geta vesturlönd ekki látið þá kúga sig í málum sem þessum og verða að sýna fullan vilja og getu til að verja mannréttindi og láta ekki fjárhagsleg og viðskiptalega hagsmuni ráða afstöðu sinni.  Það er ekki réttlætanlegt að fórna mannréttindum fyrir tilfallandi verslunargróða.

Frakkar virðast einmitt vera hikandi í málinu vegna nýlegra viðskiptasamninga við Kína og lýsir sú afstaða engu öðru en hreinum ræfildómi, ef Frakkar ætla að láta verslunarhagsmuni sína ráða og þora ekki að styggja kínversk stjórnvöld með því að senda fulltrúa til verðlaunaafhendingarinnar.

Vonandi tekst öðrum Evrópuríkjum að telja kjark í Frakkana, þannig að Kínverjum verði sýnd órofa samstaða vestrænna þjóða gegn þeirri kúgun sem viðgengst gegn stjórnarandstæðingum í Kína.

Vill samræmd Nóbelsviðbrögð

Athugasemdir

[Gísli Ingvarsson, 8.11.2010 kl. 15:14]

Verður Ólafur vor þá forfallaður?

[Axel Jóhann Axelsson, 8.11.2010 kl. 15:22]

Það er afar líklegt að það verði einhver kvefpest að herja á Bessastaði í Desember.

[Villi (IP-tala skráð) 8.11.2010 kl. 15:56]

  Þetta er skemmtilegt allt saman. Nú vísitera Kínverjar Evrópulöndin og allir bukta sig. Gerðu stóra samninga í Frakklandi, svo komu þeir til Portúgal og þar var þeim tekið opnum örmum. Við höfum beygt okkur vel, munum Falun Gong.

  Manstu Axel hvernig fór þegar Saudi-Arabar settu sig upp á móti sýningu myndarinnar "Dauði Prinsessu"? Bakkaði RUV?

[Bergljót Gunnarsdóttir, 8.11.2010 kl. 18:57]

Ég á ekki von á neinni pest á Bssastöðum. Gefum forseta vorum sjens, ég hef aldrei séð hann sýna hugleysi!!!