Stefna Hæstarétti fyrir Héraðsdóm?

Hæstiréttur hefur hafnað beiðni Gísla Tryggvasonar um endurupptöku úrskurðarins um kosningu til stjórnlagaþings, en rétturinn komst að þeirri niðurstöðu að framkvæmd kosninganna hefði verið svo illilega ábótavant og ekki staðist lög og lágmarkskröfur um kosningar og því væri ekki annað hægt en að vísa öllu saman út í hafsauga.

Þar sem úrskurður Hæstaréttar í þessu tilfelli skoðast sem stjórnvaldsaðgerð en ekki dómur og lögin gölluðu um stjórnlagaþingskosningarnar gerðu ekki ráð fyrir áfrýjun til æðra dómstigs, en Hæstiréttur er auðvitað æðsta dómstig réttarríkisins, fer málið að vandast fyrir þá sem ekki eru ánægðir með niðurstöðu Hæstaréttar í þessu stórgallaða máli.

Eina leiðin til að fá úr þessu skorið er að stefna Hæstarétti fyrir Héraðsdóm og krefjast þess að Hæstaréttarúrskurðurinn verði ógiltur.  Niðurstöðu Héraðsdóms, hver sem hún verður, verður svo auðvitað áfrýjað til Hæstaréttar til endanlegrar afgreiðslu.

Þar með yrði vitleysisgangurinn vegna þessarar óvönduðu lagasetningar og lélegrar framkvæmdar hennar kominn á endastöð.

 

 

Endurupptöku synjað

Athugasemdir

[ransý (IP-tala skráð) 14.2.2011 kl. 14:34]

Mann brestur orðaforða  til að lýsa skoðunum sinum um "ALLT" þetta háttalg !!

[Baldur Hermannsson, 14.2.2011 kl. 15:12]

Kverúlöntunum væri nær að kæra formann landskjörstjórnar fyrir stórfellt klúður og krefja hann skaðabóta.

[Njáll (IP-tala skráð) 14.2.2011 kl. 16:16]

Það sem þessu fólki með stjórnlagaþings-blæti er fyrirmunað að koma inn hjá sér er að aðal vandamálið er að ekki er farið eftir núverandi stjórnarskrá. Hvernig væri að byrja á því, nota svo skattpeningana í eitthvað skynsamlegra.

Því má setja að vitleysuna er ennþá hægt að toppa með því að skipa þetta fólk í nefnd og fara þannig framhjá dómi hæstaréttar. Sem sagt byrja á að gefa skít í lög landsins til að útbúa eitthvað betra... sem er nákvæmlega það sem "er að" núverandi stjórnarskrá.