ASÍ hörfar af hólmi kjaraviðræðna

ASÍ sýndi þann fádæma ræfildóm í dag að hlaupast frá samræmdum kjarasamningum og láta samningana í hendurnar á einstökum sérsamböndum og félaga, sem að sjálfsögðu mum tefja alla samningagerð og gera hana miklu flóknari en ella.

Þetta gerir ASÍ vegna þess að sambandið treystir sér ekki til að styðja þá sjálfsögðu kröfu SA að grundvöllur atvinnuveganna verði tryggður, ekki síst sjárvarútvegsins sem haldið er í spennitreyju ríkisstjórnarinnar vegna venjulegs ósamkomulags þar á bæ um öll mál, sem varða heill lands og þjóðar.

Ekki er hægt að gera þá kröfu til fyrirtækja í sjárvarútvegi að þau geri samninga til langs tíma án þess að hafa hugmynd um hvaða framtíðargrundvöll til starfsemi sinnar stjórnvöld ætla að búa þeim í framtíðinni varðandi kvótamálin.

Ríkisstjórnin á leik og ætti auðvitað að standa við gerða samninga í þessu efni, en að ætlast til slíks er líklega of mikil tilætlunarsemi, miðað við fyrri gerðir þeirrar ólánsríkisstjórnar sem landsmenn þurfa að búa við um þessar mundir.

Því fyrr sem hún hrökklast frá, því betra.

Viðræðum um samræmda launastefnu hætt

Athugasemdir

[sir Humpfree (IP-tala skráð) 24.1.2011 kl. 19:12]

Sammála að mörgu leyti, en hvaða ríkisstjórn hefur ekki átt leik þegar að kjarasamningum kemur og hvaða ríkisstjórn hefur nokkurn tíma staðið við þau loforð, sem þá hafa verið gefin. Hver væri td. persónuafsláttur í dag, svo lítið dæmi sé tekið. Ég er samála hvað þessa ríkistjórn varðar, hún má hrökklast hvert sem helst, en málið er, hvað á að taka við?

[Axel Jóhann Axelsson, 24.1.2011 kl. 19:20]

Ég skil nú ekki þessar vangaveltur um hvað eigi að taka við þegar þessi ríkisstjórn hrökklast frá völdum. Það verður einfaldlega gengið til kosninga og umboð þingmanna endurnýjuð og/eða nýjir flokkar fá fólk inn á þing.

Síðan verður bara mynduð ný ríkisstjórn, t.d. undir forystu Sjálfstæðisflokksins, sem hefur mörgu frábæru fólki á að skipa.

Reyndar er sama hverjir yrðu í nýrri ríkisstjórn, hún gæti ekki orðið annað en betri en sú, sem nú situr.

[Guðmundur Gunnarsson (IP-tala skráð) 24.1.2011 kl. 19:39]

Þetta er nú grundvallarmiskilningur hjá þér. Það er ekki ASÍ sem ákvarðar þetta. Samningarétturinn liggur hjá  stéttarfélögunum ekki ASÍ og það voru þau sem tóku þessa ákvörðun.

[sir Humpfree (IP-tala skráð) 24.1.2011 kl. 20:09]

frábæru fólki???, ertu td, að tala um formann flokksins?

[Axel Jóhann Axelsson, 24.1.2011 kl. 20:35]

Já, til dæmis.

[Halldór Halldórsson, 25.1.2011 kl. 00:20]

Ég skil ekki svona strútshátt, Axel?  Er það ekki morgunljóst að það er komið að ákvörðun Alþingis í kvótamálunum, sem og öðrum?  Heldur þú virkilega að ég, á lélegum launum (miðað við meðaltalið), ætli að láta "Statuskvó"-áráttu útvegsmanna standa í vegi fyrir því að launin mín hækki eitthvað næstu mánuði??

Ég er nefnilega alveg staðráðinn í að samþykkja allsherjarverkfall í mínu stéttarfélagi, VR, ef Villi og Samtök Atvinnulífisns mæta ekki til samningaviðræðna innan viku!!!!!!!!!!!!!!!!

[Axel Jóhann Axelsson, 25.1.2011 kl. 00:51]

Að sjálfsögðu beitir hver þeirri hernaðaraðferð sem hann telur sigurstanglegasta í það og það skiptið.

Ekki er ég alveg viss um að allherjarverkfall í því atvinnuástandi sem nú ríkir í landinu sé snjallasta herbragðið til að bæta kjörin.

[Jón Ágúst (IP-tala skráð) 25.1.2011 kl. 08:33]

Sjálfstæðisflokkurinn á ekkert erindi að stjórn landsins fyrr en búið er að hreinsa út hjá honum Vafninga, kúlulanadrottningar og sjóðssukkara.

[Axel Jóhann Axelsson, 25.1.2011 kl. 08:42]

Jón Ágúst, ef þú ert í Sjálfstæðisflokknum þá tekur þú væntanlega þátt í að stilla upp á lista hjá flokknum í prófkjörunum, sem væntanlega munu fara fram fyrir næstu kosningar, eins og fyrir fyrri kosningar.

Prófkjörin eru hrein persónukjör og þar eru kosnir þeir einstaklingar sem stuðningsmenn flokksins vilja í framboð til Alþingis hverju sinni.

Svipaðar aðferðir eru tíðkaðar í flestum hinna flokkanna og því er það val t.d. stuðningsfólks Samfylkingarinnar hve margir óhæfir einstaklingar eru á þingi á vegum þess flokks.  Sama má segja um VG, nema þar heitir prófkjörið forval, en ekki prófkjör, en eftir sem áður eru það stuðningsmenn flokksins sem hafa valið hjörðina sem á þingi situr fyrir VG.

Lýðræðislegar kosningar ráða því hverjir sitja á þingi og hverjir ekki.  Enginn kemst á þing, nema eiga sér traustan stuðning almennra kjósenda síns flokks.  Þeir sem óánægðastir eru með núverandi þingmenn ættu því að bjóða sig fram í næstu prófkjörum og láta reyna á hvaða stuðning þeir myndu fá frá almennum stuðningsmönnum viðkomandi flokks.

[Haraldur Sigurðsson (IP-tala skráð) 25.1.2011 kl. 10:31]

Ég skil ekki alveg, kannski einhver vilji útskýra afhverju sjávarútvegurinn ætti að ráða kjarasamningum? Mér finnst líka samræmd launastefna bull því að eru mörg fyrirtæki í ruglinu en líka mörg sem eru að gera það gott. Mér finnst bara ekkert að því að þau fyrirtæki sem standa vel borgi hærri laun.

[Axel Jóhann Axelsson, 25.1.2011 kl. 11:13]

Samræmd launastefna hefur aldrei verið við lýði nema að nafninu til, þar sem kjarasamningar eru einungis gerðir um lágmarkslaun og síðan borga þau fyrirtæki sem standa vel yfirleitt hærra kaup en samningarnir segja til um.

Það er alveg skiljanlegt að SA vilji fá það á hreint við hvaða grundvöll sjávarútvegurinn eigi að starfa, áður en gengið verði til samninga.  Varla geta menn gert samninga af viti, nema vita nokkurn veginn hvað fyrirtækin komi til með að þola í þeim efnum og þá ekki síst sjávarútvegurinn, sem er aðalundirstöðuatvinnuvegur þjóðarinnar.