Steingrímur J. lemur hausnum við steininn

Allir vita að skattabrjálæði skilar sér alltaf í minni tekjum ríkissjóðs vegna þess að það er letjandi fyrir fólk og fyrirtæki að auka framkvæmdir og vinnu.  Þetta er marg sannað og nú virðist jafnvel foringi skattabrjálæðinganna, Steingrímur J., vera farinn að viðurkenna þetta, þvert gegn ævilangri sjálfsblekkingu og pólitískri villutrú sem hann hefur prédikað alla sína ævi. 

Þar sem Steingrímur J. er tiltölulega skynsamur maður veit hann þetta orðið, eins og aðrir, en honum reynist bara svo ótrúlega erfitt að viðurkenna það fyrir öðrum, þó hann sé farinn að viðurkenna staðreyndirnar fyrir sjálfum sér, en þó sýnir viðhangandi frétt að hann er byrjaður að mjaka sér út úr skápnum.  Ætti það að vera öllum fagnaðarefni, enda er maðurinn fjármálaráðherra, illu heilli fyrir þjóðina.

Þó Steingrímur J. sé löngu farinn að sjá sannleikann um skattabrjálæðið er algerlega óvíst að hann og félagar hans læknist af því í bráð, enda svo helteknir eftir áratuga baráttu við sjúkdóminn, að ekki eru miklar líkur til að skattahækkanabrjálæðinu verði hætt svo lengi sem þessi fyrsta "hreina vinstir stjórn" er við völd í landinu og því eina ráðið að fá heilbrigt fólk að þessu leyti að landsstjórninni. 

Eðlileg uppbygging efnahagslífsins mun ekki hefjast fyrr en þessi stjórn heyrir sögunni til.

Aldrei aftur vinstri stjórn.

Skattalækkun eykur umsvif

Athugasemdir

[þórarinn axel jónsson (IP-tala skráð) 5.1.2011 kl. 16:09]

ALDREI AFTUR VINSTRISTJÓRN. Ég er svo hjartanlega sammála þér. Ég vona að þessi tími undir vinstristjórn kenni landanum eitthvað. En því miður er til hópur fólks sem lærir aldrei neitt.

[Axel Jóhann Axelsson, 5.1.2011 kl. 16:16]

Það er ótrúlegur fjöldi fólks, sem er að upplifa vinstri stjórn í fyrsta skipti í lífi sínu og vonandi lætur það fólk þetta eina skipti duga sér ævilangt.

[Sigurbjörn Kjartansson (IP-tala skráð) 6.1.2011 kl. 10:45]

ég hélt að allir vissu að um leið og vinstri menn komast til valda þá fara allir skattar upp fyrir topp.Að vísu er núverandi stjórn komin langt fram yfir það sem ég átti vona áhjá þeim þegar þau byrjuðu.Enn það er alltaf gaman að heyra fólk sem kaus þessa brjálæðinga á þing kvarta yfir skattahækkunum því þetta er bara það sem gerist ef vinstri menn komast til valda