Vilja breyta Héraðsdómi í sirkus

Níu manns hafa verið ákærð fyrir húsbrot í Alþingi og að slasa þar starfsfólk með ofbeldi og skrílslátum og er réttað í málunum fyrir Héraðsdómi um þessar mundir.  Eins og við var að búast mætir fjöldi stuðningsmanna ofbeldismannanna í réttarsal og lét ekki að stjórn starfsmanna réttarins og þurfti því að kalla lögregluna til aðstoðar við að koma skikki á mannskapinn.  Eins og þessu liði þykir sæmandi kom til slagsmála við lögregluna og flugeldar sprengdir í dómshúsinu.

Þingmenn Hreyfingarinnar, sem oft koma á óvart með einkennilegum málflutningi, hafa nú lagt til að Héraðsdómi verði breytt í einhverskonar sirkus og bjóðast til að útvega sirkustjald eða sambærilegt mannvirki til að halda réttarhöldin í, svo nægt húsrými verði fyrir alla þá ólátabelgi, sem áhuga hafa á að láta til sín taka á meðan málin verða flutt.

Það er furðulegt að fylgjast með því, að þingmenn á löggjafarsamkundu þjóðarinnar skuli vilja breyta dómþingi í fjölleikahús.

Vilja þinghald í stærra rými

Athugasemdir

[Kristinn Karl Brynjarsson, 7.5.2010 kl. 20:53]

Það er kannski krafa að réttað verði í Laugardalshöll og réttarhöldin sýnd á stóru breiðtjaldi á Laugardalsvelli.

[Axel Jóhann Axelsson, 7.5.2010 kl. 21:40]

Sennilega dugar ekki minna hús en það, sérstaklega ef þingmenn Hreyfingarinnar ætla sjálfir að leika trúðana.

[Jón Eyjólfsson (IP-tala skráð) 7.5.2010 kl. 22:16]

það er mjög sérkennilegt að geta ekki farið lögum í dómsal á sama tíma á dæma eftir  öðrum lögum.

[Rafn Haraldur Sigurðsson (IP-tala skráð) 7.5.2010 kl. 22:22]

Það sem hefur vantað í íslenskt þjóðfélag er agi, og hann fáum við ekki með stjórnleysingum eins og henni Birgittu og hennar kónum.

[Kristinn Karl Brynjarsson, 7.5.2010 kl. 23:15]

Svo er það spurning hvort að Samfylkingin verði ekki búin að ganga það kyrfilega frá Láru V., að hún treysti sér ekki til að sækja málið, fyrir hönd Alþingis.