Þrælahöfðingjar forsmá Alþingi

Þjóðinni til áratuga þrælkunar og sjálfum sér til árhundraða smánar, gengu Svavar Gestsson og Indriði H. Þorláksson í umboði ríkisstjórnarinnar frá "samningi" við Breta og Hollendinga um að skattgreiðendur á Íslandi skyldu taka að sér að greiða Icesave skuldir Landsbankans, og lofuðu ríkisábyrgð, sem alls ekki var gert ráð fyrir í tilskipun ESB um innistæðutryggingasjóði.

Alþingi reyndi að sníða þennan þrælasamning að hugsanlegri greiðslugetu þjóðarbúsins á næstu fimmtán árum, með fyrirvörum við samninginn og skyldi ríkisábyrgðin ekki taka gildi, fyrr en Bretar og Hollendignar hefðu samþykkt þá, með undirskriftum sínum.

Eins og yfirgangsmanna er siður, hafa þrælapískararnir farið algerlega sínu fram í þessu máli og taka ekkert mark á vilja Alþingis.  Ríkisstjórnin er svo mikil undirlægja, að hún reynir nú allt sem hún getur til þess að fara fram hjá samþykkt Alþingis og ganga að skilmálum húsbænda sinna í Bretlandi og Hollandi, sem beita ESB og AGS, sem stórskotaliði fyrir sig í þessari þjóðaránauð.

Það er ömurlegt að horfa upp á ríkisstjórnina skríðandi á hnjánum, með beran og blóðrisa bossann, undan svipuhöggunum. 

Sér ekki flöt á bráðabirgðalögum

Athugasemdir

[Skorrdal (IP-tala skráð) 22.9.2009 kl. 16:28]

http://skorrdal.is/utgafa/baekur/lydraedi_fjoldans.html

Og hverjum er það að þakka, Axel?

[Axel Jóhann Axelsson, 22.9.2009 kl. 16:34]

Mér er gjörsamlega fyrirmunað að skilja, að ræfildómur ríkisstjórnarinnar sé einhverjum að þakka.

[Skorrdal (IP-tala skráð) 22.9.2009 kl. 16:41]

Hvað þá hinum fyrri ríkisstjórnum, Axel! Þetta eru ALLT sömu lýðræðisræningjarnir! Mér þykir það leitt!