Lettar og Evrutengingin

ESB sinnar halda því einatt fram, að aðalávinningur Íslendinga af ESB aðild væri að þá fengjum við strax fast gengi, með tengingu krónunnar við Evruna. 

Lettar og mörg önnur Evrópuríki, sum með Evru, önnur með tengingu við Evruna, eru nú í miklum fjárhagsvandræðum vegna kreppunnar og ekki er Evrópski seðlabankinn að gera nokkurn skapaðan hlut þeim til aðstoðar.

Financial Times er með frétt af erfiðleikum Letta og fram kemur m.a:  "Segir í frétt FT að meginástæðan fyrir áhugaleysinu í útboði ríkisskuldabréfanna stafi af því að talið sé að gengi latins, gjaldmiðils Letta, sé of hátt skráð. Nefnt hefur verið að það þurfi að lækka um þriðjung. Forsætisráðherra Letta, Vladis Dombrovskis, vill ekki gera það."

Forsætisráðherra Letta vill ekki lækka gengi Latins vegna andstöðu ESB og Evrópska seðlabankans og er þessi afstaða gjörsamlega að sigla efnahag landsins í kaf, en samdráttur þjóðarframleiðslu var 18% á fyrsta ársfjórðungi og stefnir hærra eftir því sem líður á árið.  Í "verstu kreppur veraldar" á Íslandi, er áætlað að þjóðarframleiðsla dragist saman um 10% á þessu ári.  Íslands er með sína sjálfstæðu krónu, án tengingar við Evru.

Hvernig ætli standi á því að ESB löndin skuli vera að fara svona miklu verr út úr heimskreppunni heldur en Íslendingar, þar sem varð algert bankahrun?

Enginn áhugi á ríkisbréfum

Athugasemdir

[Kári Harðarson, 5.6.2009 kl. 11:09]

Þú segir :

Hvernig ætli standi á því að ESB löndin skuli vera að fara svona miklu verr út úr heimskreppunni heldur en Íslendingar, þar sem varð algert bankahrun?

Hvernig getur þú haldið þessu fram?  Vinir mínir í Evrópu vita varla af kreppunni á meðan hér er varla um annað talað.  Það þarf mikinn þjóðrembing til að trúa því að Íslendingar séu frábærastir í að skauta í gegnum kreppur.   Við skulum spyrja að leikslokum.

[Bjarni Benedikt Gunnarsson, 5.6.2009 kl. 14:17]

Axel er augsýnilega að vísa til þeirra ESB landa þar sem ástandið er verst, eins og í Lettlandi og á Spáni. Ástandið er ekki allstaðar jafn slæmt í ESB, í það minnsta ekki ennþá.

En svo er það líka þannig að Evrópubúar eru svo vanir 10-20% atvinnuleysi að þeir kippa sér ekkert sérstaklega upp við það. Svo er líka fínt að vera atvinnulaus í Evrópu, reyndar svo fínt að það er sívaxandi vandamál hvað fólk sækir í það að vera á kerfinu frekar en að vinna láglaunastörf.

Hér þar sem ég bý í suður Þýskalandi er það þannig að 60% mannaflans vinnur ekki fullan vinnudag, og líklega hátt í 10% mannaflans er í skóla vegna þess að það fær ekki vinnu. Þannig að atvinnuleysi er eitthvað sem að Evrópubúar þekkja vel og kippa sér því lítið upp við það. Þeir eru líka flestir löngu hættir að fylgjast með fréttum, enda er lýðræðið í ESB ekki til og fólk er orðið vant því að hafa ekkert um hlutina að segja. Enda var kosningaþátttaka fyrir síðustu ESB þingkosningar 45%. 

[Kári Harðarson, 5.6.2009 kl. 17:31]

Vel að orði komist, Bjarni.

Ég hafði ekki hugleitt að það sem ég þoli illa við Danmörku gæti fluzt hingað inn með inngöngu í ESB...