Stærð Baugs í Bretlandi.

Einhversstaðar kom fram hjá Jóni Ásgeiri Jóhannessyni að hjá Baugi í Bretlandi ynnu um 20 þúsund manns og honum væri umhugað um að þessir starfsmenn fyrirtækisins héldu vinnu sinni.  Ekki er nú víst að þeir yrðu allir atvinnulausir, þótt eignarhald á búðunum breyttist eitthvað.

Íbúar Bretlandseyja eru um það bil 61 milljón, þannig að starfmenn Baugs eru um 0,33% af fólksfjöldanum.  Það jafngildir tæpum ellefuhundruð íslendingum miðað við fólksfjöldann.

Vegna ævintýramennsku útrásarvíkingsins Jóns Ásgeirs og félaga eru nú fjórtánþúsun íslendingar atvinnulausir.

Krefjast upplýsinga um Baug

Athugasemdir

[Flosi Kristjánsson, 5.2.2009 kl. 11:25]

... og gleymum því ekki að Landsbanki Íslands og Glitnir eru núna ríkisbankar, máttfarnir ríkisbankar. Starfssvið þeirra er væntanlega á Íslandi, þjónusta við íslenskt atvinnulíf.

Þeir atvinnurekendur sem vilja starfrækja fyrirtæki í öðrum löndum á Evrópska efnahagssvæðinu, og geta það, vegna aukins frjálsræðis eftir gildistöku samnings þar um 1994, hljóta að freista þess í fyrstu atrennu að leita liðveislu þarlendra fjármálastofnana.