"Sterkur" listi með hálfdautt bakland

Steingrímur J. er yfir sig ánægður með afgerandi stuðnig 199 manna í einu víðfeðmasta kjördæmi landsins til að skipa fyrsta sæti á lista VG, en alls kaus 261 af þeim 722 sem á kjörskrá voru.

Ekki verður annað sagt en að Steingrímur sé nægjusamur maður og lítillátur, þó ekki beri hann eða fas hans slíkt með sér, fyrst hann ræður sér ekki fyrir kæti yfir þessari kosningu og þeim "afgerandi" stuðningi sem hann telur að sér hafi verið veittur til áframhaldandi starfa í stjórnmálum.

Miðað við þann áhuga sem skráðir félagar í VG í Norðausturkjördæmi sýna í þessu forvali, eða réttara sagt áhugaleysi, hlýtur að teljast vafasamt að flokkurinn fái nokkurn þingmann kjörinn í Alþingiskosningunum í vor í kjördæminu og yrði það makleg málagjöld vegna svika Steingríms J. og flokksins við flest stefnumál sín á líðandi kjörtímabili.

Þó lítil eftirsjá verði af skoðunum Steingríms J. hefur oft verið gaman að hlusta á ræður hans, sérstaklega á meðan hann var í stjórnarandstöðu. Komist hann á þing í vor má vænta þess að aftur gæti orðið hlustandi á skammarræður hans um væntanlega ríkisstjórn.

Steingrímur J. er hin sanna ímynd stjórnarandstöðuþingmanns, en algerlega misheppnaður meirihlutaþingmaður og hvað þá ráðherra.

Steingrímur: Sterkur listi

Athugasemdir

[Gunnar Heiðarsson, 16.12.2012 kl. 07:55]

Virki Steingríms er fallið. Í síðustu kosningum voru rúmlega 28.000 manns á kjörskrá í kjördæmi hans og fékk VG nærri 1/3 atkvæða þeirra sem mættu á kjörstað. Nú gengur hann til kosninga í þessu virki sínu með örugg 199 atkvæði.

En Steingrímur lítur þetta sterka útkomu. Honum finnst gott að einungis 261 sála hafi nennt að kjósa, af þeim 722 sem enn eru í flokknum. Honum þykir hann sterkur þó einungis 199 af þeim sálum sem enn tóra í VG fylki sér að baki honum! Verið getur að sú tala verði hlutfallslega há þegar kemur að kosningum, hugsanlega 100% atkvæða VG í kjördæmi Steingríms.

Steingrímur segir líka að kreppan sé búin, segir líka að atvinnuleysið sé horfið, segir líka ......  Þetta sjá þó fáir, sennilega hægt að telja það fólk á höndum sér. Og nú er einn dyggasti stuðningsmaður Steingríms og Jóhönnu stokkin frá borði. Þar fækkaði enn þeim sem sjá "dýrðina"!

Maðurinn er gjörsamlega búinn að missa allt vit, hafi hann einhverntímann haft það.

[Sigurður Haraldsson, 18.12.2012 kl. 00:09]

Ég segi nú ekki aðnnað en vík burt satan!