Stórkostleg gleðitíðindi frá Norður Kóreu

Þau hjartnæmu og gríðarlega miklu tíðindi hafa borist frá Norður-Kóreu að hinn ástkæri og stórkostlegi leiðtogi Kim Jong-un hafi kvænst nýlega ungri og glæsilegri söngkonu.

Enginn veit nákvæmlega hve gamall leiðtoginn ástsæli er, en talið er að hann sé á þrítugsaldri og því von til þess að hann geti leitt þjóð sína í a.m.k. fjörutíu til fimmtíu ár á jafn farsælan og glæsilegan hátt og faðir hans gerði og afi þar áður.

Vonandi mun barnalán leika við hjónakornin ungu, þannig að stjórn Norður-Kóreu þurfi ekki að færast út úr þessari ótrúlega vinsælu, ástríku stjórnlistarfjölskyldu næstu árhundruðin.

Ekki er að efa að norðurkóreska þjóðn fagnar þessu hjónabandi heilshugar, hafi hún þá frétt af því. Hafi hún ekki heyrt af þessum stórviðburði ennþá, mun hún a.m.k. fá fréttirnar þegar næsti arftaki tekur við völdum af hinum stórfenglega Kim Jong-un.

Óska norðurkóreska leiðtoganum til hamingju

Athugasemdir

[Stefan Audunn Stefansson (IP-tala skráð) 25.7.2012 kl. 21:01]

Yfirfenglegir burðir hins mikilfenglega ástkæra félaga okkar Kim Jong-un hafa loksins náðs ströndum fósturjarðarinar, okkar stórfenglegi S. Joð Il flokksbróðir hin mikilfenglega hefur boðað að hann muni verja fósturjörðina, okkar stórfenglegi hefur bjargað þjóðinni frá hræðilegri kreppuglötun. Aðarar þjóðir munu horfa til okkar stórfenglega S. Joð Il í sínum hörmungum.

[hilmar jónsson, 25.7.2012 kl. 21:09]

Voð birtir moggin slæma mynd af þessum annars geðuga manni.

[Axel Jóhann Axelsson, 25.7.2012 kl. 21:25]

Myndin sýnir ákveðinn, röggsaman og einbeittan stjórnanda. Einmitt persónuleika sem norðurkóreska þjóðin þarfnast í baráttu sinni gegn öllum illum öflum sem þrífast utan landamæranna.

[hilmar jónsson, 25.7.2012 kl. 21:36]

Segðu,hehe..

[DoctorE (IP-tala skráð) 25.7.2012 kl. 22:08]

Vonandi leysir hann þjóðina úr þrældómnum... vonandi er hann ekki snarvitlaus fáviti eins og fyrirrennarar hans

[Haukur Kristinsson (IP-tala skráð) 25.7.2012 kl. 22:13]

Okkar ástkæri og stórkostlegi leiðtogi Ólafur Ragnar, sem og hans glæsilega demantspúsa Dorrit, hafa þegar sent hjartnæmar heillaóskir til Norður-Kóreu fyrir hönd íslensku þjóðarinnar. Sérstaklega óskaði Ólafur þeim hjónum góðar samfarir, öllu mannkyninu til blessunar, fremur en tortímingar. Stórkross af sömu gerð og sr. Agnes fékk í gær var látinn fylgja með kveðjunni.

[Gunnar (IP-tala skráð) 26.7.2012 kl. 10:56]

Þú ættir að þegja Haukur, leiðindaskjóða. Hún Dorrit er alvöru heimsborgari, jafnvíg á ótal menningarheima og siðvenjur þeirra, búin að umgangast háa sem lága af öllum hugsanlegum uppruna síðan hún var barn, og forfeður hennar, sem margir hverjir voru stórmenni, flökkuðu um heiminn og töluðu ótal mál. Heldurðu virkilega að fólk eins og hún og Ólafur, sem maki hennar, hafi samúð með einhverjum einangrunarsinna og kynþáttahatara lengst upp í Kóreu? Láttu þig dreyma. Þú sannar aftur á móti þinn innri mann, með stöðugum hnýtingi út í forsetafrú vora, sem þér líkar illa við afþví hún er fyrsta manneskjan af erlendum uppruna til að hafa virkilega og raunveruleg áhrif á Íslandi. Skammastu þín, rasistinn þinn!

[Gunnar (IP-tala skráð) 26.7.2012 kl. 11:00]

Reyndu svo að læra af honum Axel um góðan húmor. Góður húmor kemur frá góðu hjartalagi og heilabúi sem er í fínu standi og virkar. "Húmor" eins og þinn, (athugaðu gæsalappirnar, þarf víst að taka þetta fram sökum greindarvísitölu þinnar), kemur aftur á móti bara frá illvilja, rætni og almennum leiðindaskarfshætti. Slepptu honum bara. Betra að þegja en koma upp um húmorsleysi sitt með mislukkuðum "brandörum"