Kínverjar í Evrópuinnrás

Í kjölfar evrukreppunnar hafa Kínverjar stóraukið sókn sína inn í Evrópu á fjármálasviði og kaupa upp og stofna hvert fyrirtækið á eftir öðru í þeim löndum sem verst hafa orðið úti og nægir þar að nefna Grikkland og Spán. Ekki má heldur gleyma stóraukinni innrás Kínverjanna á íslenskan markað og er Nubo og Grímsstaðir nýjasta dæmið um það.

Á Spáni er innrásin hafin að fullu og í fréttinni kemur vel fram í lokin hver áhrif Kínverjarnir eru að kaupa sér með þessari athafnasemi sinni, en þar segir: "Fram kemur í fréttaskýringunni að vegna aukinna tengsla landanna á viðskiptasviðinu stuggi spænsk stjórnvöld ekki við Kínverjum með inngripum í viðkvæm málefni. Eru innanríkismál í Tíbet líklega á þeim lista."

Á þessu bloggi hefur margoft verið bent á þessa innrás Kínverjanna í hinn vestræna heim, en baráttan er ekki háð með vopnum að þessu sinni, heldur peningum, og sagt bæði í gríni og alvöru að tímabært sé að taka kínversku upp sem skyldufag í grunnskólum landsins til að undirbúa komandi kynslóðir til þess að geta að minnsta kosti gert sig skiljanlegar við þessa væntanlegu herraþjóð.

Í þessu efni, sem öðrum, er ekki ráð nema í tíma sé tekið. 

 

Kínverjar leika á spænsku kreppuna

Athugasemdir

[Jóhanna (IP-tala skráð) 16.7.2012 kl. 14:24]

Úr því minnst er á innrás inn í Evrópu. Ég fyrir mína parta get betur sætt mig við vinnandi kínverja í Evrópu en blóðþyrsta öfgafulla múslima með sín sharialög. Takmarkalausa frekja þeirra sem engu tali tekur. Þegar eru þeir farnir að fótfesta sig á Íslandi. Svo við sjáum nú framundan eftir 2-3 ár sama óhugnaðinn hjá okkur eins og nú er að gerast í Skandinaviu og Danmörku. Svo ég tali nú ekki um England

Ég er virkilega sammála bloggareigenda að ekki eru ráð nema í tíma séu tekin. Gildir það ekki eingöngu um kíverja.