Obama er hræddur- Jóhanna og Össur ekki

Barack Obama, Bandaríkjaforseti, er hræddur við evrukrísuna og þau neikvæðu áhrif sem hún hefur og getur haft á bandaríkst efnahagslíf.

Bandaríkin eru eitt mesta efnahagsveldi veraldarinnar, en samt líst Obama ekkert á blikuna vegna vandamálanna sem evruríkin eru að glíma við og telur að þau séu svo smitandi að efnahagur Bandaríkjanna muni bera stórskaða af sjúkdómnum.

Íslenskir ráðamenn, með Jóhönnu og Össur í fararbroddi, hafa hins vegar ekki minnstu áhyggjur af þeim áhrifum sem evruvandinn kynni að hafa á veikburða efnahag Íslands, sem þó má ekki við miklu enda langt frá því búið að jafa sig eftir bankahrunið í október 2008.

Íslensku ráðherrarnir þrá ekkert heitara en að komast á sjúkrabeðið með evruríkjunum og virðast halda að með því að veikjast af enn illvígari sjúkdómi þá muni sá sem nú herjar á íslenskt fjármálalíf a.m.k. læknast.

Hvort skyldi nú ótti Obama eða óttaleysi íslensku ráðherranna vera skynsamlegri viðbrögð við þessu stóralvarlega vandamáli?

Obama óttast evrukreppuna

Athugasemdir

[Haukur Kristinsson (IP-tala skráð) 10.6.2012 kl. 17:21]

Þetta er nú meira bullið í þér Axel Jóhann. Við sitjum uppi með ónýtan gjaldmiðil, hér varð hrun, við urðum tæknilega gjaldþrota, gátum ekki staðið við skuldbindingar. Hvorki meira né minna. Kalla þurfti á AGS. Því er það eðlilegt að ræða við ESB um inngöngu á sambandið. 27 Evrópuþjóðir eru þegar í sambandinu, þar á meðal nágrannar okkar, Danmörk, Svíþjóð og Finland. Við skussarnir þurfum á aðstoð að halda, keyrðum allt í þrot, fámennt samfélag með miklar auðlindir. Ónýt stjórnsýsla og innbyggjarar, svo uppfullir af þjóðrembu og monti, að nálgast að vera pathological. Og auðvitað verður það ákvörðum kjörgengra Íslendinga, hvort  við göngum í Evrópusambandið eða verðum utan þess eins og Noregur og Sviss.

Höfum í huga að við afnemum ekkert stjórnmál með því að ganga í ESB, en það verða færri tækifæri fyrir fávísa innbyggjara að klúðra málum.

[Axel Jóhann Axelsson, 10.6.2012 kl. 20:04]

Hefur þú ekki heyrt um skuldavanda margra evruríkjanna og að þau hafa leitað á náðir bæði annarra Evrópuríkja og AGS um fjárhagsaðstoð. Er það þá vegna ónýts gjaldmiðils þessara ríkja, eða hvað veldur? Danmörk, Svíþjóð og Finnland hafa öll gengið í gegn um efnahagskrísur á undanförnum áratugum og ekki var það íslensku krónunni að kenna, eða hvað?

Haukur, finnst þér ekki að þú ættir að reyna að hugsa svolítið áður en þú skrifar?

[Nah... (IP-tala skráð) 11.6.2012 kl. 00:43]

Haukur Kristinsson er lifandi sönnun um ógnarvald fjölmiðlaheilaþvotts þess sem Herdís forsetaframbjóðandi talar svo mikið um,....en nær hvergi er eignarhald fjölmiðla á jafn fáum höndum, og það jafn beintengdum auðvaldinu, og á Íslandi...Hann er 100% heilaþveginn maður laus við eina einustu sjálfstæðuskoðun, en hann hefur skipt út heilabúi sínu fyrir forrit sem er móttækilegt fyrir bein download af ýmsu tagi frá strengjabrúðu-stjórendum Jóhönnu Sigurðardóttur og hinna zombie þræla brúðuleikhússhaldaranna...Það verður sárt að vakna af dásvefninum væni, en þó verra að eyða æfinni sofandi...