Átta milljarða skattakrafa

Samkvæmt sjónvarpsfrétt í kvöld hefur skattrannsóknarstjóri kært a.m.k. tuttugu manns til Sérstaks saksóknara vegna skattsvika sem stunduð voru í gegn um skúffufyrirtæki í Lúxemburg.

Af fréttinni að dæma hefur þarna verið um ótrúlega glæpastarfsemi að ræða, þar sem kröfurnar um skattgreiðslur sem viðkomandi glæpamenn hafa skotið undan nema frá nokkrum tugum milljóna upp í mörg hundruð milljónir og hæsta kæran hljóðar upp á ÁTTAMILLJARÐA króna skattaþjófnað.

Upphæðir skattastuldarins sýnir að viðkomandi fjárglæpamenn hafa skotið undan gjörsamlega óskiljanlegum upphæðum í flestum tilfellum og með ólíkindum að hægt hafi verið að stela svo háum fjárhæðum út úr hagkerfinu án þess að upp hafi komist fyrr.

Ef til vill er þarna um að ræða "hagnað" sem færður var út úr bönkunum með klækjum fyrir hrun, enda hafa ekki fengist trúverðugar skýringar á því, hvað um allt það fé varð sem sogað var út úr þeim af eigendum og stjórnendum bankanna á "útrásartímanum".

Vonandi verður fljótlega upplýst hverjir þarna hafa verið verki, því heiðarlegir skattgreiðendur hljóta að eiga rétt á að vita hverjir það eru sem reyndu að féfletta þá með þessum hætti.

Skattrannsóknarstjóri og hans fólk á þakkir skildar fyrir vel unnin störf við þessa glæparannsókn.

Skattsvik í skúffufyrirtækjum

Athugasemdir

[Anna Sigríður Guðmundsdóttir, 16.10.2011 kl. 00:06]

Nú er MP banki líklega að leika sama leikinn. Eitthvað var alla vega óeðligt við gangverkið þar í dag.

Ég vara fólk við að leggja inn á debetreikninga hjá MP banka núna, því þeir peningar hverfa jafn óðum út aftur, án þess að yfirlit úr hraðbönkum sýni í hvað þeir fara. 

M.b.kv.

[Anna Sigríður Guðmundsdóttir, 16.10.2011 kl. 00:08]

...óeðlilegt, átti þetta að vera í efstu línunni.

[V.Jóhannsson (IP-tala skráð) 16.10.2011 kl. 10:40]

Þeir sem stolið hafa þessum peningum stjórna landinu á bak við tjöldin. Hér verður ekkert gert af viti, frekar en fyrri daginn.

[Axel Jóhann Axelsson, 16.10.2011 kl. 15:48]

Ef þessir skattaþjófar stjórna öllu á bak við tjöldin, er þá ekki undarlegt að það sé verið að undirbúa ákærur á þá fyrir þetta skattarán, líklega til viðbótar við önnur rán?