Hagstæðar lántökur?

Dagur B. Eggertsson, varaformaðu Samfylkingarinnar, oddviti hennar í Reykjavík og borgarstjóraefni flokksins, boðar átak í atvinnumálum í borginni, sem á að byggjast á samstarfi við ríkisstjórnina, verkalýðshreyfinguna, samtök atvinnulífsins og aðra velunnara.

Þetta er göfug stefna, sem varaformaðurinn ætti að kynna fyrir formanni Samfylkingarinnar og öðrum í ríkisstjórninni, því eins og allir vita hefur ríkisstjórnin barist með oddi og egg gegn hvers konar uppbyggingu nýtta atvinnutækifæra og beitt til þess öllum tiltækum ráðum, sem ríkisstjórn getur búið yfir.

Fjármögnun þessarar atvinnuuppbyggingar í borginni á að vera mjög auðveld, enda á hún að byggjast á lánum, eða eins og segir í stefnuskrá Samfylkingarinnar fyrir borgarstjórnarkosningarnar:  „Borgarsjóður ræður við þessar lántökur, hægt er að fá hagstæð tilboð og forða þannig algeru hruni í framkvæmda- og byggingariðnaði."

Í samtali sínu við forsætisráðherrann gæti Dagur spurst fyrir um þá margendurteknu yfirlýsingu ríkisstjórnarinnar, að hvergi sé hægt að fá lán á góðum kjörum, vegn þess að ekki sé búið að gangast undir fjárkúgun Breta og Hollendinga vegna Icesave.  Einnig hefur hann margsagt sjálfur að skuldastaða borgarinnar sé allt of mikil og vinda þyrfti ofan af henni.

Það undarlega í þessu öllu er, að sennilega trúa stuðningsmenn Samfylkingarinnar bæði formanninum og varaformanninum, þó þeir tali algerlega í sitt hvora áttina í flestum málum.

Vilja stefna að 3,5% hagvexti

Athugasemdir

[Kristinn Karl Brynjarsson, 25.4.2010 kl. 18:17]

Dagur veit sem er, að ef hann fær ekki góða kosningu í borgarstjórnarkosningum, þá getur hann "parkerað" formannsdraumnum.

Dagur veit líka að núverandi formaður Samfylkingar verður ekki mikið lengur í embætti.

Dagur veit líka að áður en að þarnæstu borgarstjórnarkosningar verða, þá verða þingkosningar. Þingkosningar, sem hann ætlar að leið flokkinn í gegnum.

Dagur veit líka, að hann þarf ekki að svara fyrir Samfylkinguna í þarnæstu borgarstjórnarkosningum, takist honum að láta borgarbúa bíta á agnið.

Dagur veit líka að það er auðveldara að lofa lántökum, heldur en að fá lán.