Kreppa í þrjú ár eða tíu?

Stefna, eða réttara sagt stefnuleysi, ríkisstjórnarinnar í atvinnumálum mun valda því að kreppan mun vara út þennan nýbyrjaða áratug, í stað þess að ástandið hefði verið orðið ásættanlegt á ný um þessar mundir, hefði áætlun AGS og ríkisstjórnarinnar frá haustinu 2008 gengið eftir.

Alveg má spyrja sig að því hvort í raun sé hægt að tala um stefnuleysi í atvinnumálum, þar sem ríkisstjórnin hefur beitt öllum sínum kröftum til þess að berjast gegn hvers kyns fjárfestingu og uppbyggingu í atvinnulífinu og þar með viðhaldið atvinnuleysi í landinu í sögulegu hámarki fram á þennan dag og ekkert útlit fyrir minnkun þess á næstu árum, með sama áframhaldi.

Það er nánast með ólíkindum að svo til ekkert hafi breyst í þjóðfélaginu frá hruni annað en að ríkissjóður sé að nálgast hallalausan rekstur, en það er auðvitað ekki ráðsnilld stjórnarinnar að þakka, heldur gengdarlausri skattpíningu atvinnulífsins og þess hluta almennings sem ennþá hefur einhverja atvinnu.

Ríkisstjórnar Jóhönnu Sigurðardóttur verður minnst um ókomna tíð sem einnar lélegustu ríkisstjórnarinnar á lýðveldistímanum.

Getum komist út úr kreppu á þremur árum

Athugasemdir

[Óskar Guðmundsson, 11.11.2011 kl. 12:57]

Hún verður þekkt undir nöfnum eins og "rænulausa helferðarstjórnin" og "ríkisstjórnin sem ekki kunni að reikna"

[Magnús Óskar Ingvarsson, 11.11.2011 kl. 16:42]

Það er einu orði ofaukið í síðustu málsgreininni Axel. Það er orðið "einnar".

[Sveinn Úlffarsson (IP-tala skráð) 12.11.2011 kl. 08:45]

Það er svo merkilegt Axel, að fólk sem segist berjast fyrir "meiri jöfnuði" eða "félagslegu jafnrétti" o.s.fv. kallar sig norræna velferðarstjórn (hvað sem það nú er), þessir loddarar yppa svo öxlum og segja "fólk verður bara að herða ólarnar" og tekur blákalt upp málstað svikarana gegn fólkinu í landinu, skattpínir, rekur fólk miskunarlaust út úr eignum sínum og réttlætir svo eigið getuleysi og hæfileikaskort með því að staðan hafi verið svo slæm þegar þeir fengu stýrið í hendurnar. ÞRJÚ ÁR ERU LIÐIN.. og það eina sem hefur marktækt batnað frá hruni eru skuldir ríkissjóðs og það eingöngu vegna þess að það var tekið fram fyrir hendurnar á þessum vit...., þjóðin þurfti að taka valdið af ríkisstjórninni í Icesave og forða þannig "grísku ástandi" . Já eitt ár í viðbót af þessu rugli mun kosta mörg ár í óbætanlegu tjóni.