Björgólf Thor út úr Verne Holding

Iðnaðarnefnd Alþingis mun á næstunni afgreiða erindi Verne Holding um þjónustusamning vegna gagnavers, sem fyrirtækið er að reisa á suðurnesjum, en slíkur samningur "á að skapa félaginu stöðugri grundvöll varðandi skattalega umgjörð, opinber gjöld o.s.frv. Samningurinn er talinn afar mikilvægur Verne holding þegar kemur að því að tryggja samninga við erlenda viðskiptavini", eins og segir í fréttinni.

Það hefur lengi verið von manna, að hér á landi yrði hægt að koma upp nokkrum gagnaverum til að auka fjölbreytni í atvinnulífinu og tryggja raforkusölu til nýrrar tekundar stórnotenda.  Þess vegna er afar nauðsynlegt að Iðnaðarnefnd afgreiði erindi Verne Holding á jákvæðan hátt, þannig að unnt verði að koma verinu í gang, sem allra fyrst.

Jafnframt á nefndin að setja þau skilyrði, að Björgólfur Thor Björgólfsson hverfi úr hluthafahópnum og til þess verði félaginu gefinn hæfilegur frestur, t.d. eitt ár, en verði slíkt skilyrði ekki uppfyllt að þeim tíma liðnum, falli samningurinn aftur úr gildi.

Atvinnumálin á Suðurnesjum eru mikilvægari en persóna Björgólfs Thors.

Hlutur Björgólfs Thors metinn í iðnaðarnefnd

Athugasemdir

[Sævar Helgason, 21.4.2010 kl. 13:57]

Tek undir þetta með þér.

[Jón Sveinsson, 21.4.2010 kl. 14:36]

 Já það færi betur ef þessir Ráðamenn færu eftir almenningi en því er ekki að heilsa.Það virðist alt á sömu bókina lært almenningur er ekki þjóðin, En tek undir með þér.

[Ásdís Sigurðardóttir, 21.4.2010 kl. 16:41]

EInmitt