Samstöðu um að hafna ESB

Stjórnmálaleiðtogarnir hvetja til samstöðu þjóðarinnar og þá hljóta foringjar ríkisstjórnarnefnunnar að vera að boða stefnubreytingu af sinni hálfu, því á árinu, sem nú er senn liðið, gerðu þeir allt sem þeir gátu, til að eyðileggja baráttu þjóðarinnar gegn því að verða hneppt í þrældóm til Breta og Hollendinga til næstu áratuga. 

Þrátt fyrir hatramma baráttu stjórnarflokkanna gegn þessari samstöðu, þá stóð 70% þjóðarinnar saman í andstöðunni gegn þessari ánauð, en þrátt fyrir mikið minnihlutafylgi almennings, samþykktu stjórnarliðar þrælasamninginn og munu þar með setja nöfn á minnigartöflu óþjóðholls fólks í Íslandssögunni.

Vonandi mun Samfylkingin fylkja sér á næsta ári með þeim mikla meirihluta Íslendinga, sem vilja áfram vera fullvalda í frjálsu landi og hafna þar með inngöngu í ESB.  Ef Samfylkingin vill rétta sáttarhönd til þjóðarinnar, mun hún beita sér fyrir því, að umsóknin um inngönguna í stórríki Evrópu verði dregin til baka umsvifalaust.

Í áramótaávarpi sínu í Morgunblaðinu, minntist Jóhanna Sigurðardóttir, forsætisráðherralíki, ekki einu orði á ESB, sem bendir til þess, að hún sé farin að gera sér grein fyrir því, að mikill meirihluti þjóðarinnnar er algerlega andvígur ESB brölti Samfylkingarinnar og því sé tilgangslaust að halda inngöngubeiðninni til streytu.

Ef Samfylkingin sér að sér í ESB málinu, verður samstöðu hennar með hinum hluta þjóðarinnar, vafalítið tekið með velvilja.

Stjórnmálamenn hvetja til samstöðu

Athugasemdir

[Birgir Finnsson, 31.12.2009 kl. 11:23]

Ég skil hvað þú ert að fara, en ég held að í atkvæðagreiðslunni í gær, og hinum ýmsu orðum sem féllu þar, þá hafi Samfylkingin stigið yfir ákveðin mörk. Ekki má heldur gleyma því að flokkurinn hefur æ ofan í æ afhjúpað sitt rétta spillingareðli á árinu (sbr. "sama hvaða gott kemur") þannig að ég sé ekki fyrir mér að þjóðin vilji neitt með þennan flokk hafa í framtíðinni.

[Ingibjörg Guðrún Magnúsdóttir, 31.12.2009 kl. 11:50]

Núna er Jóhanna örugg með inngöngu sína í ESB. Munið þið ekki eftir því að hún fékk í gegn breytingu á gildi þjóðaratkvæðagreiðslunar... sem gildir bara um ESB þjóðaratkvæðagreiðslu... um vilja okkar í inngöngu..  þjóðin ræður engu um það þegar þar að kemur... Ljót mál allt saman...