Hallærisleg ályktun

Formaður blaðamannafélagsins var einn þeirra blaðamanna, sem var svo óheppinn að fá uppsagnarbréf á Mogganum í morgun og er auðskiljanlegt, að slíkt áfall taki nokkuð á taugarnar.  Að boða síðan til stjórnarfundar í félaginu í beinu framhaldi af uppsögninni, er í besta falli fljótfærni en líklega hefur reiði og hefndarhugur ráðið för.

Að minnsta kosti er sú ályktun sem stjórnin sendi frá sér til háborinnar skammar fyrir félagið og mun blaðamannafélagið þurfa langan tíma til að vinna sér einhvern vott af trúverðugleika aftur, að ekki sé talað um stjórnina, sem eftir þetta er orðin að athlægi.

Stjórnmálamenn og fyrrverandi stjórnmálamenn hafa oft verið ritstjórar dagblaða, nú síðast  var Þorsteinn Pálsson, fyrrverandi formaður Sjálfstæðisflokksins, ritstjóri Fréttablaðsins og ekki þótti stjórn blaðamannafélagsins ástæða til að mótmæla því.

Lákúrulegar árásir  stjórnarinnar á persónu Davíðs Oddssonar eru smekklausar og ómaklegar, enda ekki í verkahring þessara svekktu sála, að dæma um sekt eða sakleysi eins eða neins.

Hamingjuóskir fylgja Davíð Oddsyni og Haraldi Johannessen í ritstjórastólana og mun koma þeirra að blaðinu verða því og þjóðfélagsumræðunni til mikils framdráttar.

Stjórn blaðamannafélagsins hafi skömm fyrir sína smekkleysu og barnalegu hefnigirni.

Harmar uppsagnir

Athugasemdir

[Kalli Sveinss (IP-tala skráð) 24.9.2009 kl. 23:31]

"Hverju reiddust goðin "?

 Heilshugar sammála hverju orði hjá þér Axel Jóhann !

 Búðu þig hinsvegar undir " stórskota-árás" hatursmanna Davíðs Oddssonar, sér í lagi frá DV & fréttastofu RÚV !

 Flest óþveralegustu orð tungunnar verða viðhöfð.

 Lastu ályktun frá stjórn blaðamannafélagsins þegar fyrrverandi formaður Sjálfstæðisflokksins og forsætisráðherra, varð ritstjóri hjá Jóni Ásgeiri á Fréttablaðinu ??

 Fór framhjá !

 Sannarlega " barnaleg hefnigirni" - en - " Faðir fyrirgef þeim - því þeir vita ekki hvað þeir gera" !!