Svíar alltaf til fyrirmyndar

Nú berast þær fréttir frá Svíaríki, að setja eigi nýjar reglur um vinnupásur þar í landi, eða eins og segir í fréttinni:  "Frá og með 1. maí næstkomandi mega opinberir starfsmenn hjá Stokkhólmsborg ekki reykja í vinnutímanum. Þeir mega hins vegar reykja í hádegishléinu þar sem það er ekki greiddur vinnutími."

Þar sem alltaf má treysta á Svía í góðu fordæmi, hljóta þeir fljótlega að banna ýmislegt fleira, þar sem það er ekki greiddur vinnutími.  Nokkur atriði, sem hljóta að koma fljótlega til skoðunar eru t.d:  Klósettferðir, símtöl til mömmu, pabba, eiginkonunnar, eiginmannsins, barnanna og ömmu, allar verslana- og bankaferðir, eða yfirleitt allar persónulegar hugsanir og allt annað, hverju nafni sem nefnist, sem ekki telst til nauðsynja fyrir greiddan vinnutíma.

Hér eftir verður allt, nema vinnan sjálf, framkvæmt í hádegishléinu, þar sem það er ekki greiddur vinnutími.  Allir geta séð hvílíkur sparnaður felst í svona ráðstöfunum, enda á fólk auðvitað ekki að vera að slóra neitt í vinnutímanum.

Þetta eru menn búnir að uppgötva víðar en í Svíþjóð, en illar tungur kalla slíkt fyrirkomulag barnaþrælkun, eða öðrum slíkum ónefnum, en Svíar hafa auðvitað ekki áhyggjur af slíku.

Í Svíþjóð ríkir norrænt velferðarkerfi.

 

Reykpásur bannaðar

Athugasemdir

[fellatio, 31.8.2009 kl. 10:30]

Það er svoldið til í þessu hjá þér og sorglegt því allar kannanir sýna að afköst hjá fólki sem tekur sér pásur í vinnutímum aukast.

Ég hef oft fundið kaffilykt af fólki í vunnutíma og er ekki ánægður með það.

[ingi (IP-tala skráð) 31.8.2009 kl. 10:36]

Já og það verður að banna fólki að hreifa sig af óþarfa, ég hef nefnilega stundum fundið svitalykt af starfsfólki leikskólans þar sem ég fer með mín börn

[Axel Jóhann Hallgrímsson, 31.8.2009 kl. 10:36]

Það er skiljanlegt að framlegð á hverja vinnustund sé mun minni á Íslandi en í þeim ríkjum sem við berum okkur saman við ef það er innbyggt í Íslensku frjálshyggjuformúluna að í vinnunni eigi allt að framkvæmast nema vinna.

[Axel Jóhann Axelsson, 31.8.2009 kl. 10:45]

Nafni, það er nú kannski ekki alveg innbyggt í íslensku frjálshyggjuformúluna, að í vinnunni skuli allt framkvæmt nema að vinna, en þar sem atvinnuþátttaka er eins mikil og á Íslandi, hefur fólk ekki annan tíma til að sinna nauðsynlegum erindum, t.d. vegna fjármála, en vinnutímann sjálfan, enda opinberar stofnanir og flest fyrirtæki lokuð á nóttunni.  Þetta hefur þótt mannleg framkoma af hálfu vinnuveitenda og virðing fyrir starfsfólki.  Nokkuð víst má telja, að þetta fyrirkomulag ágæta fyrirkomulag sé víðar að finna en eingöngu í íslensku frjálshyggjuformúlunni.

En annar má kannski taka undir með manninum, sem sagði um vinnustaðinn sinn:  "Það er nú víst meira en nóg, að þurfa að hanga hérna í átta tíma á dag, þó ekki sé ætlast til, að maður vinni líka."

[fellatio, 31.8.2009 kl. 11:08]

Axel Jóhann.. Margur heldur mig sig.

[Rebekka, 31.8.2009 kl. 11:15]

Ég hefði frekar viljað fá aukapásur fyrir reyklausa, til jafns við þá sem reykja.  Ósanngjarnt að reykingaliðið fá fleiri pásur en reyklausir!

[Borgarinn (IP-tala skráð) 31.8.2009 kl. 12:12]

Þetta er sérlega sniðugt hjá frændum okkar og enn eitt dæmið um þá yfirgnæfandi forræðishyggju sem einkennir oft þá sem vilja öðrum vel.  Á mínum vinnustað eru fáir sem reykja og meirihlutanum finns sem þeir séu stungnir í bakið með þeim vinnusvikum sem fara fram þegar fólk leitar einhverstaðar undir gafl til að svala fíknum sínum.

Ég bendi þessu sama fólki á að hætta að tala um stjórnmál og enskan fótbolta á vinnutíma.  Þegar slíkar umræður fara af stað á minum vinnustað leita ég oft út fyrir, fæ mér smók og hugsa um vinnuna.