Maður að meiri - svolítið

Sigmundur Ernir hefur nú beðist velvirðingar á því, að hafa mætt í þingsal, eftir að hafa drukkið rauðvín með matnum, fyrr um kvöldið.  Þetta er gott, svo langt sem það nær.  Hann á hins vegar eftir að skýra út, hvers vegna hann skrópaði á þingfundi þennan dag og var þess í stað að spila golf og þiggja mat og vín af MP banka.  Mitt í umræðu um þann skaða, sem bankar og útrásarmógúlar hafa skapað þjóðinni, er það dómgreindarskortur hjá þingmanni, að þiggja slík boð.

Dómgreindarskortur númer tvö, hjá þingmanninum, var að mæta í þingið eftir veisluna og dómgreindarskortur númer þrjú, var að reyna að þræta fyrir drykkjuna eftirá, þar sem ekki fer framhjá neinum, sem horft hefur á myndbandið af þingfundinum, að þar fór ekki allsgáður maður.

Hefði Sigmundur Ernir strax játað á sig þessi mistök og beðist afsökunar á þeim, hefði þetta aldrei orðið neitt mál og hann orðið maður að meiri.  Hann reynir nú að bæta úr og tekst það - svolítið.

Annað, sem er athyglisvert, er að aðrir þingmenn og forseti þingsins skuli ekki hafa bent honum á, að þetta væri ekki viðeigandi í þingsalnum og bent honum á að fara heim að sofa og geyma ræðuna sína til betri tíma, úr því að hann hafði skrópað á þingfundinum allan daginn, hvort sem var.

Svo eru þingmenn undrandi á því, að virðing Alþingis fari þverrandi.

Fékk sér léttvín með mat

Athugasemdir

[joi (IP-tala skráð) 26.8.2009 kl. 14:35]

Maðurinn sagði í gær að hann hefði ekki bragðað vín, í dag var hann búinn að fá sér hvítvín. Hvað verður það á mórgun? Ef þessi náungi, sem er nota bene nýliði á þinginu farinn að ljúga um svona atriði strax á sínum fyrstu dögum sem þingmaður, þá held ég að það sé lítið á hann að treysta.

[Sigurður Sigurðsson, 26.8.2009 kl. 15:06]

Meira að segja fólk með greind í sæmilegu meðallagi sér að maðurinn er drukkinn í prontunni og nær því að hafa drukkið 1 - 2 flöskur af rauðvíni.

En svona er Ísland í dag - mörkin milli sannleikans og lyginnar verða æ óljósari hjá sumum.

[Magnús Óskar Ingvarsson, 26.8.2009 kl. 15:15]

Hárrétt Axel, ég er sammála þér um dómgreindarskortinn og einnig hvað varðar það að aðrir þingmenn og/eða forseti skyldu ekki stoppa manninn með einhverjum ráðum. Ég bloggaði um virðingu Alþingis fyrr í dag, sjá hér: http://sleggjudomarinn.blogg.is/blogg/sleggjudomarinn/entry/937638/

[hilmar jónsson, 26.8.2009 kl. 22:55]

Lygin hjá honum er aðal issjúið að mínu mati Axel.

[Axel Jóhann Axelsson, 27.8.2009 kl. 08:49]

Sammála Hilmar, hann fór endanlega með sig á því að reyna að ljúga sig út úr þessu.