Skítleg kosningabarátta

Svandís Svavarsdóttir, fyrsti maður á lista VG í Reykjavík suður, fellur í sama farið og aðrir vinstri menn, með því að ásaka pólitíska andstæðinga sína um glæpamennsku.  Það sem af er hefur farið lítið fyrir málefnum í kosningabaráttunni, en fjölmiðlar og vinstri menn hins vegar kappkostað að ata Sjálfstæðisflokkinn auri á gjörsamlega ómálefnalegan og ódrengilegan hátt.  Þetta eru gjörsamlega málefnalausir og rökþrota flokkar.

Það er hárrétt hjá Þorgerði Katrínu, að vinstri menn forðast að ræða pólitísk málefni, atvinnuleysi, getuleysi ríkisstjórnarinnar í gjaldeyris- og peningamálum og önnur brýn hagsmunamál þjóðarinnar. 

Kosningabarátta vinstri flokkanna til þessa er þeim til háborinnar skammar.  Svona leðjuslagur er engum bjóðandi.

Það er skammt til kosninga og mál til komið að ræða alvörumálin. 

Fyrst þarf auðvitað að koma vinstra liðinu upp úr drullupollunum.

Aldrei heyrt alvarlegri ásakanir

Athugasemdir

[Alfreð (IP-tala skráð) 14.4.2009 kl. 18:13]

Þakka þér fyrir að nefna þetta mál út frá öðrum en hreinum leiðindum þótt fyrir vikið áttu eftir að fá þvílíkt skítkast á þessa blessuðu blogg síðun þína.

Þessi svokallaða kosningabarátta hefur ekki enn byrjað, þar sem aðra vikuna í röð er verið að tala um nokkrar milljónir sem stjórnmálaflokkarnir fengu.

Menn láta enn eins og þetta séu háar fjárhæðir. Fyrirgefiði var íslenska þjóðin ekki að tapa hundruð til nokkrum þúsundum milljörðum vegna nokkra fjárhættubraskara.

Þjóðin er á barmi gjaldþrota, fólk er að flýja land í hundruða ef ekki þúsunda tali, öll fyrirtæki landsins við það að fara á hausinn og það sem þingið kemur með er skítkast á hvern annan, bann gegn nektardansi, kvikmyndastyrki og illa unnið stjórnarskrábreytingafrumvarp.... sem stór meirihluti allra fræðimanna á sviði lögfræða hefur gagnrýnt... frábær vinnubrög.

Þakka fyrir gott blogg og lifandi umræður og helst skítkast lausar 

Ég þakka fyrir mig

alfreð

[Anna Einarsdóttir, 14.4.2009 kl. 19:59]

Það er tæplega hægt að ræða málin meðan hægri menn fara ítrekað með ósannindi.

Það er t.d. algjör snilld hjá Kjartani Gunnarssyni að ráða Geir frá því að móttaka "styrkina" ...... styrki sem hann þó vissi ekkert um ! 

Eigum við ekki að fara að gera þá kröfu til manna í áhrifastöðum að þeir segi sannleikann ?