Eru Íslendingar of kærulausir vegna kórónuveirunnar?

Samkvæmt myndum sem fylgja viðhangandi frétt taka Kínverjar veirusýkinguna skæðu föstum tökum og virðast gera allt sem í þeirra valdi stendur til að ráða niðurlögum hennar eftir mörg og afdrifarík mistök í upphafi.

Hálfgert útgöngubann hefur verið sett á í mörgum borgum Kína, þ.m.t. höfuðborgin, og í nokkrum milljónaborgum hefur íbúum verið bannað að fara út fyrir borgarmörkin og skipað að halda sig meira og minna heima hjá sér.

Hér á landi hefur umræðan um þessa stórhættulegu og bráðsmitandi veiru verið á nokkuð léttum nótum og virðist ekki vera tekin eins alvarlega og full ástæða er til að gera.

Fjöldi smitaðra í heiminum, aðallega í Kína ennþá, vex um þúsundir á dag og tugir manna látast á hverjum sólarhring, sem sýnir að þessa plágu ætti ekki að hafa í neinum flimtingum.

Vonandi berst hún aldrei til landsins og ef hún gerir það er rétt að krossa fingur og vona að heilbrigðisyfirvöld verði í stakk búin til að berjast við hana.

Tómar götur á háannatíma í Peking

Athugasemdir

[Sigurður I B Guðmundsson, 7.2.2020 kl. 16:08]

Nú er mikill samdráttur í ferðaþjónust en endalaust verið að byggja hótel og aðallega í 101. Ef það væri lokað á Kínverja yrði hér algjört hrun í greininni. Spurningin er: Hvort er mikilvægara fólkið í landinu eða ferðaþjónustan???

[Örn Einar Hansen, 7.2.2020 kl. 23:04]

Í fyrsta lagi skulu menn hugsa til þess að veiran er "air born", og einnig að hún lifir í opnu umhverfi í 45 daga. Þetta þýðir, að um er að ræða "weaponized virus", eða veiru sem gerð er af mannavöldum sem vopn. Til eru þeir, sem segja að þetta sé ekki gott vopn, því hún drepi bara 3% af þeim sem sýkjast. Rangt, vopn eru ekki gerð til að drepa fólk ... heldur til að lama samfélög. Því er þessi veira, hið besta vopn.

Þessa veiru má drepa á tvennan hátt .. með hita (eld) eða með alkahól ... því er kanski betra að hafa við vodka flöskuna við náttborðið.

[Axel Jóhann Axelsson, 8.2.2020 kl. 15:56]

Bjarne, þetta, að veiran sé manngerð, eru falsfréttir og ekkert sem styður hana, enda sett fram af einhverjum samsæringakenningasmiðum sem segja að Bandaríkjamenn hafi "ræktað" hana og komið í dreifingu í Kína sem vopni í viðskiptastríði landanna.

Þetta er auðvitað svo ruglað að því verður varla trúað að nokkur taki mark á ruglinu.