Hvað vilt ÞÚ láta hækka skattaálögur á SJÁLFAN ÞIG mikið?

Allir stjórnmálaflokkarnir, sem bjóða fram lista í komandi Alþingiskosningum, nema Sjálfstæðisflokkurinn boða gríðarlegar skattahækkanir til að fjármagna kosningaloforð sín sem hljóða upp á aukin ríkisútgjöld á bilinu frá fjörutíu til sjötíuogfimm milljarða króna árlega.

Sjálfstæðisflokkurinn hefur ámálgað nokkrar skattalækkanir og stöðugleika efnahagsmálanna á næstu árum og bendir á nauðsyn þess að halda verðbólgu lágri, eins og hún hefur verið undanfarin ár, og að hægt hafi á hagsveiflunni og með óhóflegri aukningu ríkisútgjalda aukist hætta á harði lendingu í efnahagslífinu og þar með miklum skelli á afkomu almennings.

Skattahækkanaflokkarnir lýsa því hver um annan þveran að skattbyrði almennings yrði ekki aukin, heldur eigi að "hliðra til í skattkerfinu" og leggja háu skattana á hátekju- og eignafólk, en sýnt hefur verið fram á að slíkar "hliðranir" munu einungis auka tekjur ríkissjóðs um tiltölulega fáa milljarða króna.

Það sjá allir, sem vilja sjá og skilja, að ríkisútgjöld verða ekki aukin um 40-75 milljarða króna án stórfelldra skattahækkana á almenning í landinu.  Jafnvel þó látið verði líta út fyrir að fyrst og fremst verði um hækkun fyrirtækjaskatta að ræða, eða að skattar verði hækkaðir á alla aðra, munu allar skattahækkanir lenda að lokum á almenningi, enda engin annar til að standa undir ríkisútgjöldunum en hinn almenni borgari.

Vegna þessa verða allir kjóendur, hver einasti, að vera búinn að gera upp við sig hvort og þá hve mikið þeir vilja skerða lífskjör sín áður en hann merkir við flokk á kjörseðlinum.  Spurningin sem svara verður er einfaldlega:  HVAÐ VILT ÞÚ LÁTA HÆKKA SKATTAÁLÖGUR Á SJÁLFAN ÞIG MIKIÐ?


mbl.is Girða fyrir svigrúm til skattalækkana
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóhann Elíasson

GÓÐ SPURNINGÉg hjó líka eftir því, í formannaspjalli á RÚV, að VINSTRIMENN VILDU EKKI HÆKKA VSK Á FERÐAÞJÓNUSTUNA.  EN KANNSKI ERU ÞEIR BÚNIR AÐ GLEYMA ÞVÍ AÐ ÁRIÐ 2012 SETTI KATRÍN JÚLÍUSDÓTTIR, ÞÁVERANDI FJÁRMÁLARÁÐHERRA, ÞRIÐJA VSK ÞREPIÐ Á FERÐAÞJÓNUSTUNA OG VAR ÞAÐ 14% (neðra þrepið í VSK kerfinu var þá 7%).  ÞETTA VAR GERT MEÐ LÖGUM 146/2012.  ÞETTA ÞRIÐJA ÞREP VSK VAR SVO AFNUMIÐ UM LEIÐ OG ALMENNILEG RÍKISSTJÓRN KOM Á LANDINU MEÐ LÖGUM 79/2013.  EN MÉR ER SPURN HVAÐ HEFUR BREYST SÍÐAN ÞETTA VAR GERT?????  Það virðist vera eitthvað lítið að marka sem "Vinstri Hjörðin" segir þegar verið er í kosningabaráttu...... cool

Jóhann Elíasson, 20.10.2017 kl. 13:29

2 identicon

Þótt Tryggingastofnun skammti öryrkjanum mér allt of naumt til að ég geti orðið að gagni einhversstaðar í samfélaginu, þá vil ég frekar halda stöðunni óbreyttri, heldur en að skattpíningin á Íslandi aukist. Sú hækkun gæti aldrei orðið annað en enn meiri blóðtaka á allt vinnandi og bankarænt fólk og fyrirtæki í landinu. Við vitum það, og þurfum ekki að fara í einhverja tilraunastarfsemi með slíkt. Reynslan hefur kennt okkur að skatturinn fer í hítina í feluskjólunum.

Mér líður ekki vel við þá tilhugsun að þeir sem hafi enn einhverja möguleika í dag, verði dregnir niður á sama plan og ég er á, með auknum þrælanna útslítandi píningarsköttum út um allar trissur, í mesta skattpíningar, lífeyrisráns og hótunarglæpabanka landi.

Í góðu Guðanna bænum, ekki hækka skatta meir en orðið er á Íslandi! Lækkið frekar skatta, svo einhverjir lifi af á skerinu.

M.b.kv. 

Anna Sigríður Guðmundsdóttir (IP-tala skráð) 20.10.2017 kl. 16:55

3 Smámynd: Sigurður M Grétarsson

Hvað vilt þú láta skera mikið niður opinbara þjónustu? Valkostirnir í kosningunum hvað þetta varðar eru tveir. Annars vegar getum við fengið lága skatta eða hins vegar trausta innviði það er gott heilbrigðiskerfi, menntakerfi, velferðarkarfi, samgöngukerfi og svo framvegis. Það er barnaleg óskhyggja að hægt sé að fá bæði.

Sigurður M Grétarsson, 20.10.2017 kl. 21:54

4 identicon

Sigurður M. Grétarsson. Í dag eru skattar á Íslandi þeir hæðstu sem finnast á byggilegum hluta jarðarinnar.

Þrátt fyrir það er fjöldi fólks sem ekki hefur næringarríkan mat ofan í sig, né húsnæði sem heldur vatni og vindum til að tryggja húsaskjólsins nauðsynlegt heilbrigði þess fólks.

Þrátt fyrir strit myrkranna á milli síðustu áratugina á banka-glæpalandinu Íslandi?

Ég afþakka bara hér og nú þau "ölmusunnar" dauðans biðlaun svika-Tryggingarstofnunar.

Ég vil ekki lifa og hrærast í gjörsamlega óverjandi glæpa-fjármálakerfi, þar sem bankaræningjamafíur taka sér skotleyfi á varnarlausa, án laga og réttarverndar af nokkru tagi!

Þó ég verði þá í bókstaflegri merkingu skorin alveg niður, þá harma ég það ekki. Því í dag get ég hvorki lifað sjálfri mér öðrum til vinnuframlags gagns, og kosta þó of mikið að því er best verður skilið á "heilögu fræðingunum". Það er passað uppá að skera svo naumt að ekkert dugar til neins uppbyggilegs virðisins gagns!

Svo þá er bara að afþakka "raunsnarlegheitin" sem spítalayfirmafían ætlar að betla út á jarmandi öryrkjann fyrirframsvikna, sem ég og fleiri erum í raunveruleikans exel skjölunum spítalayfirlæknamafíunnar!

Allt "velferðarkerfið" rándýra er uppbyggt sem ein stór og samvinnandi glæpa-svikamylla. Og starfsfólk innan þess kerfis fattar ekki einu sinni hvað er verið að nota það til. Því það er bara hlekkur í opinbera svikakerfinu!

Mér finnst best að þeir sem stjórna bak við tjöldin skeri mig bara strax niður í gröfina, eins og þeir raunverulega ætla sér hægt og bítandi að gera, án þess að almenningur eigi að fatta það!

Verði þeim svo bara að góðu sem svona ætla að stjórna bak við tjöldin, og halda að ekki komist upp um villimennsku-stjórnsýsluna úr bakherbergjum glæpayfirlækna mafíustjóranna.

Ég er bara óverðmætur og "sokkinn kostnaður" í kerfinu. Takk fyrir mig!

Og verði þeim að "góðu", sem ætla að gæða sér á gróðanum af bókstaflegum niðurskurði á mér og öðrum í svipaðri stöðu!

M.b.kv.

Anna Sigríður Guðmundsdóttir (IP-tala skráð) 21.10.2017 kl. 00:45

5 Smámynd: Sigurður M Grétarsson

Tryggingastofnun greiðir einfaldlega eftir þeim lögum sem sett eru um þær greiðslur sem hún sér um. Það að þær greiðslur séu og lágar er því sök Alþingis og þá sérstaklega þeir þingmenn sem hafa ítrekað greitt atkvæði gegn hækkun greiðslna til þeirra.

En með því að lækka skatta verðuur enn minna svigrúm til að greiða elli- og örorkulífeyrisþegum upphæðir sem duga til viðunandi framfærslu.

Eins og ég sagði hér að ofan þá eru skatatar forsenda þess að velferðakerfið og aðrir innviðir samfélaagsins séu í lagi og við getum ekki fengið bæði lága skatata og góða innviði.

Sigurður M Grétarsson, 21.10.2017 kl. 11:17

6 Smámynd: Axel Jóhann Axelsson

Sigurður, mér finnst að skattar megi alls ekki hækka, mun frekar væri ég sáttur við að þeir lækkuðu frekar frá því sem nú er.  Aðhald í ríkisfjármálum þarf að efla og velta hverri krónu sem kerfið hefur til ráðstöfunar alveg eins og gera þarf á flestum heimilum.  

Lækkun gjalda og niðurfelling tolla og vörugjalda hafa til dæmis orðið til þess að erlendar verslunarkeðjur hafa ákveðið að opna verslanir hér á landi og nægir að benda á Costco og H&M því til staðfestingar.  Það hefur svo áhrif til lækkunar vöruverðs til almennings, en aukningu fyrirtækjaskatta til hins opinbera.  Allt er þetta til að bæta hag almennings en það gera skattahækkanir alls ekki.

Sigurður, hvað vilt þú að skattaálögur á ÞIG sjálfan verði hækkaðar mikið?

Axel Jóhann Axelsson, 21.10.2017 kl. 12:25

7 identicon

Sigurður. Ég bjó og starfaði í Noregi í 10 ár, og Tryggingastofnun skerðir mig um þessi 10 ár í örorkulífeyri. Það er skýrt lögbrot af hálfu Tryggingastofnunar Ríkisins á Íslandi, og fara ekki eftir EES reglum um örorkulífeyri á milli EES landa.

Ég vil ekki fá þína forgangsröðunar skattablóðpeninga. Ég vil frekar víkja af veginum sem varðaður hefur verið á Íslandi af svikakerfisins glæpamafíum. 

Ætli sé þá ekki bara réttast og best hjá mér að segja: hittumst hinu megin móðunnar miklu? Þegar þeir valhafarnir koma á eftir okkur sem ekki viljum selja sálu okkar til að græða á óheiðarlegan og óverjandi hátt á spillingarskerinu Íslandi á jörðinni?

Ég held það bara.

Og ég endurtek það sem ég hef sagt áður, að ég vil ekki að verkamannaþrælarnir og ó-lögvarin lítil og meðalstór fyrirtæki á Íslandi þurfi að borga meiri óverjandi okurskatta og lífeyrissjóðsræningjagjald, til að ég eigi að geta lifað af. Ég veit að skattarnir fara að mestu leyti í glæpahítina skattsvíkjandi og útrásarföldu. Við þurfum ekki neinar tilraunir í slíku skattræningja heimsbankaveldis útreikningadæmi, því reynslan hefur kennt okkur staðreyndirnar. Með tilheyrandi síendurteknum kosningum!

Reynslan hefur kennt okkur helkaldar staðreyndir skatta svikamyllu heimveldisbankanna!

Takk fyrir mig, og bless, ef á að rukka enn meir, fátæka skattpíndu þrælanna og sviknu skattpíndu fyrirtækin fyrir mínum tilverurétti í dag. Það er ekki víst að fólk almennt skilji það, að sumt fólk vilji frekar fara af jörðinni, heldur en að selja samvisku sína og sál til bankaglæpa embættanna ó-lög-verjandi.

Maður þarf víst að útskýra flest allt fyrir háskólamenntuðu fólki í dag? Meira að segja mennskunnar og siðferðis prinsippanna takmörkin hjá hverri frjálst borinni sál á jörðinni?

Hvert er þetta samfélag eiginlega komið?

Ég bara spyr?

Og ég ætlast til að fólk svari í það minnsta sjálfu sér samkvæmt sínum eigin samviskunnar sálarvilja, og sem ó-kúgað og lýðræðisfrjálst og brjóstviti borið og siðmenntað og andlega nokkurn veginn heilbrigt fólk!

Lýðræðislegt réttarríkis samfélag krefst lágmarks heilbrigðrar vitiborinna og ó-skoðanakanna-mótandi afstöðu, í ótal mörgum samfélagsmálum. Kosningar eiga lögum samkvæmt að vera leynilegar, og ekki að ástæðulausu!

Skattar eru meðal þeirra mikilvægustu umræðumála, allra viti borinna og sæmilega heilbrigt hugsandi samfélagsþegna, sem hafa sinn eigin frjálsa skoðana kosningarétt!

Það er kallað Lýðræði, þegar kosið er samkvæmt heiðarlegra og óskoðanamyndandi fjölmiðlaumræðu. Lýðurinn kýs samkvæmt sinni rétt upplýstu skoðun!

Er einhver kosningabær einstaklingur á Íslandi sem efast kannski enn þann dag í dag, um mikilvæga og undanbragðalausa umræðu, um vel upplýsta banka/lífeyris-ræningjanna þjónandi innheimtu-skattayfirvaldsins allra handa óverandi rányrkju, og óverjandi fjölmiðlanna skoðanamyndandi heilaþvott?

Hvar er Styrmir Gunnarsson núna, sem sagði réttilega í spillingarskýrslunni dýru og frægu, að Ísland væri ógeðslegt samfélag sem hefði engin prinsipp? Til hvers þurfti dýra og fræga skýrslu í 10 bindum, ef ekki er farið eftir neinu sem sagt var þar og skrifað?

Hver eru prinsipp Styrmis Gunnarssonar og restinni af mannssorpinu hér á bankaránsdýrkandi, fjölmiðlablekkjandi og skattrænandi skerinu í dag?

M.b.kv.

Anna Sigríður Guðmundsdóttir (IP-tala skráð) 21.10.2017 kl. 23:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband