Misræmi í máli Ríkissaksóknara sem verður að rannsaka

Ríkissaksóknari segir eitt í viðtölum við RÚV, en allt annað í skriflegu svari til Morgunblaðsins.

Í viðtalinu við RÚV gaf hún í skin að lögreglustjóri hafi haft stjórn á rannsókn "lekamálsins" svokallaða, en í svarinu til Moggans játar hún að hafa sjálf haft stjórn þeirrar rannsóknar með höndum.

Umboðsmaður Alþingis hlýtur að kalla eftir skýrslum frá Ríkissaksóknara, Lögreglustjóra, RÚV og Mogganum og rannsaka þetta misræmi í málflutningi saksóknarans og fá endanlegan botn í það dularfulla mál hver það var sem stjórnaði rannsókninni.

Níðurstaða slíkrar rannsóknar gæti varpað ljósi á það hver hafði leyfi til að tala við hvern um rannsóknina og hvort einhver hefði mátt spyrja einhvern um gang málsins og þá hvern.

Allt stefnir í að vegna "lekamálsins" verði að fara fram viðamestu rannsóknir Íslandssögunnar, ef undan er skilin rannsóknin vegna bankahrunsins. 

 

Ríkissaksóknari mælti fyrir um framkvæmdina

Athugasemdir

[Pétur D. (IP-tala skráð) 12.9.2014 kl. 12:17]

Alltaf er verið að hamra á því í sorppressunni, að vegna þess að Hönnu Birnu og Stefáni ber ekki saman, þá hljóti Hanna að vera að ljúga. Hefur engum dottið í hug, að Stefán gæti verið að ljúga því sem hann heldur fram? Hann getur jafn lítið sannað sem fór fram og HannaBirna, enda voru samtölin ekki hljóðrituð. Það er vitað mál, að löggur ljúga oft á tíðum, það er ekkert nýtt.

[Helga Kristjánsdóttir, 12.9.2014 kl. 14:19]

Ef ég man rétt,breytti Stefán Lögreglustjóri framburði sínum frá fyrsta svari sínu varðandi hvort Hanna Birna hefði þrýst á sig/osfr. Fréttatímar Rúv hefjast á “Lekamálinu” þar sem höfundar líkja æ meira eftir óvönduðu sakamálaþáttunum,sem RÚV.dælir yfir landsmenn á hverju kvöldi.Svo er fólk að agnúast yfir sýningum boltaleikja.