Óhjákvæmileg vernd lögreglu við framkvæmdir

Burtséð frá því hvað fólki finnst um vegalagninguna um Garðahraun, þá hefur framkvæmdin farið sína leið um kerfið, þ.e. skipulagsyfirvöld, umsagnaferli og umræðu sveitarstjórnar.  

Eftir að verkefni hefur fengið slíkt samþykki verður fólk að sætta sig við niðurstöðuna, þó hún gangi þvert á skoðanir þess enda eðli lýðræðisins að sumir verða að lúta í lægra haldi með sínar tilfinningar endrum og sinnum.

Fámennur hópur fólks má ekki komast upp með að stöðva framkvæmdir sem uppfyllt hafa skilyrði laga og reglna þjóðfélagsins, enda væri þá stutt í algert stjórnleysi í landinu ef slíkt yrði látið viðgangast.

Í því samhengi skiptir engu máli hvaða fólk á í hlut, hvorki hvað það heitir eða hver staða þess er í þjóðfélaginu að öðru leyti. 


mbl.is Öllum verið sleppt úr haldi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jack Daniel's

Það er nú ekki enn komin niðurstaða frá Hæstarétti hvort það sé hreinlega löglegt að leggja veginn þarna.
Málið er fyrir dómi og það að hefja framkvæmdir áður en kemur í ljós hvort þetta verður dæmt ólöglegt eða ekki er svona svipað og að láta einstakling sem hefur verið sviftur ökuleyfi fyrir að aka bæði drukkinn, dópaður og á 200 km/hraða, halda áfram að keyra af því það hefur ekki verið dæmt í hans máli.

Jack Daniel's, 22.10.2013 kl. 00:42

2 Smámynd: Ómar Ragnarsson

Vegagerðin hefur ákveðið að sætta sig ekki við komandi niðurstöðu Hæstaréttar með því að láta vélaherdeild sína ráða málinu til lykta á dóms og laga.

Ómar Ragnarsson, 22.10.2013 kl. 01:26

3 identicon

Hjartanlega sammála þér Axel.

Því þetta fólk var búið að semja við yfirvöld að bíða úrskurðar héraðsdóms. Svo líkar þeim bara ekki dómurinn!

Við erum illa svikin ef þessi þrjósku eldri borgarar verða ekki teknir rækilega fyrir í áramótaskaupinu.

Sigrún Guðmundsdóttir (IP-tala skráð) 22.10.2013 kl. 09:03

4 Smámynd: rhansen

Það er magnað hvernig að fullorðið fólk sem alið var upp i guðsótta og góðum siðum er farið að haga ser !   Elliglöp ..eða ????

rhansen, 22.10.2013 kl. 12:18

5 Smámynd: Eyjólfur G Svavarsson

Það er með ólíkindum hvernig talað er um eldra fólk með skoðanir. ekki finnst mér nú borin mikil virðing fyrir eldri borgurum af ykkur .R Hansen og Sigrúnu Guðmundsdóttur. Hér er allt í molum eftir stuttbuxnagæjana í bönkunum, ekki eru það elliglöp, þeir eru búnir að brjóta niður allt sem búið var að byggja upp í gegnum árin. Eruð þið kannski búnar að fá lóð þarna, og er græðgin ekki búin að kenna ykkur nóg!!!

Eyjólfur G Svavarsson, 22.10.2013 kl. 16:32

6 Smámynd: Axel Jóhann Hallgrímsson

Sammála nafni!

Axel Jóhann Hallgrímsson, 22.10.2013 kl. 17:25

7 Smámynd: Axel Jóhann Axelsson

Auðvitað skiptir aldur fólks hér engu máli. Ungir og gamlir þurfa að fara að lögum og reglum.

Axel Jóhann Axelsson, 22.10.2013 kl. 19:01

8 identicon

Einmitt, hér skiptir hvorki aldur né frægð fólks máli. Allir þurfa að fara að lögum og reglum.

En fyrst þú vænir mig um eiginhagsmuni og græðgi Eyjólfur 16:32 þá má kannski benda hér á að ónefndur aðili sem tengdur er lögfræðingi þessa hóps á hús við Gálgahraunsveg.

Sigrún Guðmundsdóttir (IP-tala skráð) 22.10.2013 kl. 20:07

9 Smámynd: Eyjólfur G Svavarsson

Margir dómar fara fyrir hæstarétt ef fólk er ekki ánægt með dóm héraðsdóms, og þá er yfirleitt beðið eftir dómi hæstaréttar. En það er ekki gert þarna, er þá verið að far eftir lögum? Hinsvegar er ekki til neins að vera að halda áfram þessu karpi, því að það er búið að eyðileggja sögulegu staðina. Gangi ykkur vel á nýja veginum. kv. Bláskjár.

Eyjólfur G Svavarsson, 23.10.2013 kl. 14:10

10 Smámynd: Guðjón Sigþór Jensson

Hræddur er eg um að við séum komin ansi nálægt fasisma.

Þessi framkvæmd er umdeild. Stjórnmálamenn beita lögreglu til að kæfa andstöðu og mótmæli rétt eins og gert er af einræðisstjórnum og herforingjastjórnum. Hanna Birna sýndi af sér nákvæmlega sama og þessir þokkapiltar sýna andstæðingum sínum.

Við búum við skoðanafrelsi, félagafrelsi og fundafrelsi. Mótmælendur eru í fullum rétti og dómstólar eiga eftir að kveða upp með hvað dæmist rétt í þessu máli. Tapi Garðabær og Vegagerðin málinu þá er ekki unnt að bæta fyrir eyðilegginguna.

Mér finnst að Hanna Birna ætti að skoða betur sinn gang. Hún ætti að biðjast afsökunar á þessari gjörræðisákvörðun sinni, bjóða þeim bætur sem voru handteknir og sumir mjög harkalega. Og kalla allar vinnuvélar burt úr hrauninu og doka eftir niðurstöðu Hæstaréttar.

Verður hennar minnst sem stjórnmálamannsins sem innleiddi fasisma á Íslandi og gróf undan réttarríkinu?

Guðjón Sigþór Jensson, 26.10.2013 kl. 08:23

11 Smámynd: Axel Jóhann Axelsson

Óttalega er þetta nú lítilsigld athugasemd, Guðjón, og síðasta setningin algerlega fáránleg.

Axel Jóhann Axelsson, 26.10.2013 kl. 11:32

12 Smámynd: Guðjón Sigþór Jensson

Í öllum lýðfrjálsum löndum er lögreglu ekki beitt gegn friðsömum mótmælendum. Og að siga lögreglu á fámennan hóp friðsamra motmælenda eins og Ómar Ragnarsson finnst mér þú taka ansi stórt upp í þig.

Við erum komin ansi nálægt fasisma því með hverju má reikna næst?

Verður lögreglan rafbyssuvædd? Hanna Birna hefur gefið í skyn að hún vilji það.

Ögmundur ljáði aldrei máls á að lögreglan fengi rafbyssur í sínar hendur og töluverð andstaða innan lögreglunnar er fyrir því. Þó eru alltaf einhverjir sem vilja sýna aukna hörku og jafnvel ofbeldi.

Þú sérð vonandi þetta í víðara ljósi Axel. Þannig á síðasta setningin mín sem spurning allveg við. Það er ekki fullyrðing og má auðvitað rökstyðja svar með og móti og það er alltaf opið með spurningar.

Góðar stundir!

Guðjón Sigþór Jensson, 28.10.2013 kl. 13:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband