Mammon brýst inn hjá Sérstökum saksóknara

Risastór mál varðandi hugsanlegt fjármálamisferli eru til rannsóknar hjá Sérstökum saksóknara og er þar um fjárhæðir að ræða sem hlaupa á milljónum og upp í hunduð milljarða.

Þegar um svo mikil og stór spillingar- og glæpamál er að ræða er öllum brögðum beitt til að trufla, tefja og eyðileggja rannsókn málanna og til þess er öllum brögðum beitt og allir færustu og dýrustu lögfræðingar landsins eru komnir í varnarvinnu fyrir þá grunuðu í þessum málum.

Enn ein birtingarmynd þeirra klækja sem beitt er birtist í dag, þegar fréttist að þrotabú Milstone hafi keypt skýrslu af tveim (fyrrverandi) starfsmönnum Sérstaks saksóknara á þrjátíu milljónir króna, þar sem þeir nota upplýsingar sem þeir komust yfir í starfi sínu fyrir saksóknarann til að selja meintum sakborningum.

Fégræðgi mannskepnunnar eru eru fá takmörk sett og langt er til seilst þegar starfsmenn laga og reglna verða henni að bráð, eins og þetta mál virðist sanna.

Kærðir vegna brots á þagnarskyldu

Athugasemdir

[Sigurður I B Guðmundsson, 23.5.2012 kl. 20:29]

Hver er ábyrgður á þrotabúi Milstone? Verður hann (þeir) kærðir?  Er þetta ekki að verða "the never ending story"?

[Axel Jóhann Axelsson, 23.5.2012 kl. 20:42]

Ef tvímenningarnir verða fundnir sekir um að stela rannsóknarniðurstöðum eða fénýta upplýsingar sem þeir öfluðu í starfi hjá Sérstökum saksóknara, hlýtur þrotabú Milstone að vera samsekt um glæpinn.

Verðið á skýrslunni, þrjátíu milljónir króna, bendir a.m.k. til þess að það hafi verið borgað fyrir eitthvað fleira en sautján vélritaðar blaðsíður.

[Jóhanna (IP-tala skráð) 23.5.2012 kl. 21:03]

Málið er það, allt sem gerist hjá "sérstökum saksóknara" er eins og "hæg myndataka". Þótt við myndum skera viðkomandi, þá myndi honum ekki blæða.... Segir þetta okkur nokkuð????