ESB vill skjóta sendiboðann

Framkvæmdastjórn ESB hefur undanfarið leitað logandi ljósi að lausnum á skuldavanda evruríkjanna og gegnið erfiðlega að ná samstöðu um leiðir til varanlegrar lausnar, enda erfiðleikarnir miklir.

Nú hefur framkvæmdastjórninni dottið það snjallræði í hug, að banna lánshæfismatsfyrirtækjunum að birta mat sitt á skuldsetningu sambandsríkjanna og möguleikum þeirra til að endurgreiða lán sín. Lánshæfismötin hafa verið lánadrottnum til viðmiðunar um þá áhættu sem þeir taka þegar ákvarðanir til einstakra ríkja og stórfyrirtækja eru ákveðin.

Sú lausn á vandamálum, að skjóta þann sem boðar válegu tíðindin, hefur fram að þessu verið talin bæði ómerkileg, lítilmannleg og gagnslaus. Ekki síður hefur hún verið talin merki um örvæntingu og ráðaleysi þess, sem svo lágt leggst að drepa sendiboðann í stað þess að einbeita sér að lausn hins raunverulega vanda.

Vonandi finnur ESB betri leiðir út úr vandamálum sínum, því hrun í Evrópu mun hafa alvarlegar afleiðingar fyrir íslenskan efnahag, sem ekki má við frekari hremmingum en íslensku ríkisstjórnina.

Vilja banna birtingu lánshæfiseinkunna

Athugasemdir

[Kristján B Kristinsson (IP-tala skráð) 20.10.2011 kl. 10:17]

Er þetta ekki merki um algert úrræðaleysi?

[Axel Jóhann Axelsson, 20.10.2011 kl. 11:28]

Eitthvað er örvæntingin að aukast að minnsta kosti.

[Ásthildur Cesil Þórðardóttir, 20.10.2011 kl. 12:09]

Getur þetta bara eitt og sér ekki orðið til þess að gengið fellur?

[Guðmundur Ásgeirsson, 21.10.2011 kl. 23:51]

Í Kína er líka bannað að fjalla um það sem stjórnvöldum finnst óþægilegt.

[Helgi (IP-tala skráð) 22.10.2011 kl. 18:16]

Sæll.

Ég er auðvitað vitlausari en gerist en gengur en ég veit ekki betur en stærstu lánshæfismatsfyrirtækin séu amerísk og staðsett í Ameríku. Hvernig ætlar ESB að banna erlendum fyrirtækjum að vinna vinnuna sína? Nær nú lögsaga ESB út fyrir þetta fangelsi sem ESB er orðið?