Velkomin Harpa

Dagurinn í dag er risastór í lista- og menningarsögu þjóðarinnar, en í kvöld eru opnunartónleikar í Tónlistar- og ráðstefnuhúsinu Hörpu og mun Sinfóníuhljómsveit Íslands ríða á vaðið með tónleikum undir stjórn Vladimirs Azkenasys og fyrsta tónvekið sem leikið verður er nýtt verk, Velkomin Harpa, eftir Þorkel Sigurbjörnsson.

Húsið er glæsilegt útlits og í raun heilmikið hönnunar- og byggingarafrek, enda hefur það verið dýrt í byggingu, en á móti kemur að húsið mun bera hróður landsins, borgarinnar, hönnuða og byggingaraðila á lofti um langan aldur og laða til sín innlenda og erlenda listamenn með alls kyns listviðburði og án vafa mun ráðstefnuhald erlendra aðila stóraukast hér á landi.

Harpa er öllum sem að byggingu hennar hafa komið til mikils sóma og á eftir að efla og styrkja listir og menningu þjóðarinnar og bera hróður sinn og landsins um heiminn allan.

Húsinu og þeim rekstri sem þar mun fara fram er óskað heilla og góðs gengis um alla framtíð.

Til hamingju Íslendingar með Hörpuna. Í dag er gleðidagur í sögu lands og þjóðar.


mbl.is Harpa þá og nú
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: hilmar  jónsson

Glæsilegt.

hilmar jónsson, 4.5.2011 kl. 20:23

2 Smámynd: Magnús Óskar Ingvarsson

Algjörlega sammála þessu Axel.

Magnús Óskar Ingvarsson, 4.5.2011 kl. 20:47

3 Smámynd: Bergljót Gunnarsdóttir

Tek undir af öllu hjarta!

Bergljót Gunnarsdóttir, 4.5.2011 kl. 21:15

4 identicon

Komið þið sæl !

Tilkoma; þessa fáránleika kumbalda, suður við Reykjavíkurhöfn staðfestir enn - SMÆÐ Íslendinga, í siðferðilegu tilliti, sem öðru.

Samfélag; sem hefir ekki burði til, að brauðfæða sístækkandi hluta landsmanna - en þykist svo geta látið; eins og 3 Milljóna, eða þá; 30 Milljóna manna, á sér vart nokkurn sérstakan tilverurétt, sé haldið áfram, á þessum brautum Glýju og Glám skyggni - verandi; rétt innan við, eða um 300 Þúsundir sálna, gott fólk.

Svei attan; sýndarmennsku þessarri !

Með; fremur þurrum kveðjum, úr Árnesþingi /

Óskar Helgi Helgason    

Óskar Helgi Helgason (IP-tala skráð) 4.5.2011 kl. 22:44

5 Smámynd: Sigurður Haraldsson

Tek heils hugar undir með þér Óskar þetta er tímaskekkja og for lótur kumbaldi!

Sigurður Haraldsson, 5.5.2011 kl. 01:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband