Það verður engin "niðurstaða" í vikunni

Jóhanna Sigurðardóttir segist vonast til að niðurstaða fáist í Icesave-málinu í vikunni og á þá væntanlega við þessa viku, sem nú er nýhafin, en ekki "eftir helgi" eða í "næstu viku", eins og verið hefur um allar "niðurstöður" ríkisstjórnarinnar fram að þessu.

Þó Jóhanna og ríkisstjórnin öll og jafnvel allur þingheimur samþykki fjárkúgunarkröfur Breta og Hollendinga á hendur íslenskum skattgreiðendum vegna viðskipta einkafyrirtækis, sem þar að auki var rekið af fjárglæframönnum, þá verður það engin "niðurstaða" í þrælasölumálinu, því tilvonandi þrælar Breta og Hollendinga munu aldrei samþykkja að ganga sjálfviljugir í skattaþrældóm fyrir erlenda kúgara.

Þjóðin mun hrinda þessu nútíma "Tyrkjaráni" af höndum sér, jafnvel þó ríkisstjórn Jóhönnu Sigurðardóttir gefist enn einu sinni upp fyrir innrás þrælakaupmanna.

Niðurstaða vonandi í vikunni

Athugasemdir

[Halldór Björgvin Jóhannsson, 6.12.2010 kl. 16:15]

Samfylkingin og VG eiga eftir að sjá til þess að þetta komist aldrei í þjóðaratkvæðagreiðslu, ég vildi að þessi ríkisstjórn gæti asnast til þess að vinna af jafn mikilli hörku fyrir land og þjóð, og þau gera fyrir kúgara okkar Holland, Bretland og ESB.

[Óskar Guðmundsson, 6.12.2010 kl. 16:20]

Nágrímur NEI-kvæði sett NEI framar öllu þegar átti að greiða atkvæði um IceSave og NEI-taði að mæta á kjörstað....

Jóhrannar virtist hafa gleymt þ´vi þá og ætlar örugglega að "muna ekki eftir því" núna.

[Jón Óskarsson, 6.12.2010 kl. 22:04]

Svo voru Jóhanna og Steingrímur alveg steinhissa og vonsvikin yfir þátttöku í Stjórnlagaþingskosningunum.   Það er nú einu sinni þannig að eftir höfðinu dansa limirnir og lögðu línurnar í þjóðaratkvæðagreiðslunni með því að mæta ekki.  Margt vitlaust hef ég séð stjórnmálamenn gera en aldrei vitlausara en það að hunsa kosningar.  Fólk sem á sitt lifibrauð undir því að kjósendur mæti og greiði þeim atkvæði sýndi kjósendum algjöra lítilsvirðingu.  Rétt verður að minna þau skötuhjú á það vel og rækilega við næstu Alþingiskosningar ef þau bjóða sig oftar fram.

[Ólafur Ingi Hrólfsson, 7.12.2010 kl. 06:04]

Ágæti Axel - vissulega mun niðurstaða liggja fyrir - sú niðurstaða að engin niðurstaða liggi fyrir - þetta er ferli sem við höfum horft uppá í mörgum málum undanfarin 2 ár.

Er það ekki líka niðurstaða?