Ætla að gera millistéttina að öreigum

Ásgerður Flosadóttir, framkvæmdastjóri Fjölskylduhjálpar Íslands, spáir því að obbinn af millistétt landsins muni enda í fátækt og markar það líklega af því hve aukningin í aðstoð hjá Fjölskylduhjálpinni er mikil og fer sívaxandi.

Þetta þarf hins vegar ekki að koma neinum á óvart, því það er staðföst stefna Steingríms J. og félaga í VG, með dyggri aðstoð Samfylkingarinnar, að gera sem allra flesta Íslendinga að öreigum, enda rúmast það ekki innan þeirra þjóðfélagsskoðana að einn hafi það betra en annar og helst eiga allir að hafa það sem verst, því þannig er auðveldast að deila og drottna, samkvæmt kenningum kommúnismans, sem Steingrímur og þeir rauðu, grænu og gulu trúa ennþá á.

"Sovét Ísland, draumalandið, hvenær kemur þú?", hefur verið þessu fólki kær ljóðlína og Internationalinn er kyrjaður við hvert tækifæri og augun verða tárvot þegar innlifunin í sönginn nær hámarki og draumalandið birtist í hillingum fyrir hugskotssjónunum. Þar næst takast félagarnir í hendur, klappa hver öðrum á bakið með enn einni gamalkunnri baráttukveðju sinni: "Öreigar allra landa sameinist." Að lokum er svo fallist í faðma og kysstst á báðar kinnar, alveg eins og fyrirmyndirnar í sovétunum hafa alltaf gert.

Fyrsta skrefið að draumaríkinu er auðvitað að gera alla landa sína að öreigum og fljótlegasta leiðin til þess er að standa gegn allri uppbyggingu, sérstaklega atvinnuuppbyggingu, þannig að sem flestir verði háðir styrkjum og bótum sem forsjárhyggjufólkið úthlutar.


mbl.is Telur millistéttina enda í fátækt
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: hilmar  jónsson

Við skulum eigna ástandið þeim aðilum sem það eiga skilið Axel, og þú veist vel hverjir það eru þó að þú reynir í blindri flokkshollustu þinni að bera af þeim blak..

hilmar jónsson, 5.12.2010 kl. 17:50

2 identicon

Hilmar,

Það var gott á búa á Íslandi fram til 2003/2004.  Þá ríkti mikill jöfnuður og stöðugleiki hér á landi.  Þá hafði Davíð völdin hér á landi.

Eftir 2004 komu útrásarvíkingarnar og mikið neyslukapphlaup hófst með ofurlanum og alles og Jón Ásgeir og félagar voru hér með öll völd.

Síðan hrundi þetta allt haustið 2008 hrundi þetta allt.

Þá komust Samfó og VG til valda, og ætla að gera alla jafna, þ.e. jafn fátæka.  Þetta er þeim að takast. 

Palli Ásgeirs (IP-tala skráð) 5.12.2010 kl. 18:25

3 identicon

Það er tilgangur Alþjóða Gjaldeyrissjóðsins að eyða millistéttum allra landa. Það þarf enginn að horfa lengi á blóði drifna slóð þess and-samfélagslega fyrirbæris til þess að átta sig á því. Samt sem áður þráast fólk og þá sér í lagi pólitíkusar við og reyna að færa rök fyrir því að það sé eitthvað sem eigi ekki við um ísland. Ég held að það ætti sannarlega að duga að líta í kringum sig og velta stöðunni aðeins fyrir sér til að sannfærast um annað.

Allir þeir stjórnmálaflokkar sem verið hafa við völd síðustu 10 árin hafa unnið ötullega að því að koma landinu á náðir þessarar yfirþjóðlegu stofnunar sem var að sjálfsögðu stofnuð, og er stjórnað af örfámennri stétt ofurríkra með fulltingi Bandaríkjanna, sem fyrir löngu síðan stóðu fyrir frelsi og lýðræði, en gegna nú eingöngu nokkurskonar varðhundsstöðu korpúratsins.

Það að ætla að þakka einum manni stöðugleika og velferð sem ríkti á íslandi, meðan eitt mesta hagvaxtarskeið sögunnar gekk yfir á heimsvísu er barnaskapur, og einkennandi fyrir þá sem nenna ekki að kafa ofan í hlutina. Þeirra sem muna bara góða tíma og andlitið sem var í sjónvarpinu meðan þeir tímar gengu yfir án þess að gera sér nokkra grein fyrir því hvort samhengi var þar á milli. Það er einnig einkennandi fyrir þá sem elska Davíð Oddson að tala um tímann sem "hann" var við völd. Þetta gerðu Stalínistar líka á sínum tíma, Maoistar og aðrir dýrkendur einræðisherra.

Heimir Arnar Birgisson (IP-tala skráð) 5.12.2010 kl. 18:57

4 Smámynd: Axel Jóhann Axelsson

Hilmar, maður sér þig fyrir sér í huganum syngjandi "Nallann" og krjúpandi á kné framan við myndina af Steingrími J., áður en þú raukst til og hripaðir niður þessa athugasemd þína hérna nr. 1.

Tal um flokkshollustu frá einhverjum tryggasta flokkshundi bloggheima virkar eins og hvert annað grín, þó allir viti auðvitað að það er allt annað en húmor, sem býr að baki skrifunum.

Axel Jóhann Axelsson, 5.12.2010 kl. 19:37

5 Smámynd: hilmar  jónsson

Kemst sennilega ekki með tærnar þar sem þú hefur hælanna Axel..

Man ekki eftir einum einasta jákvæðum punkti frá þér frá því ég fór að villast inn í þetta loftlausa rými þitt, jú nema Davíð BB og Hannes Hrunsteinn komi inn í umræðuna.

hilmar jónsson, 5.12.2010 kl. 19:56

6 Smámynd: Axel Jóhann Axelsson

Hárrétt hjá þér Hilmar, þú kemst hvergi með tærnar þar sem aðrir hafa hælana.

Axel Jóhann Axelsson, 5.12.2010 kl. 20:05

7 identicon

Var virkilega einhver að skrökva að búið væri að finna upp einsskonar " Hoffmannsdropa" við " Davíðs-heilkenninu" ??

 Laukrétt Páll Ásgeir.

 " Samó & VG er að takast að gera alla jafna - þ.e. jafn fátæka" !!

Kalli Sveinss (IP-tala skráð) 5.12.2010 kl. 21:42

8 identicon

Það er ljóst að Stazi hefur þjálfað sína vel. Mér sýnist það ganga ljómandi vel hjá Steingrími að innleiða kommúnisma hér á landi.

Björn (IP-tala skráð) 5.12.2010 kl. 23:11

9 Smámynd: Gunnar Heiðarsson

Það hefur nú ekki verið yfir miklu að gleðjast Hilmar, frá því þessi stjórn tók við völdum. Ekki er að sjá að nein breyting verði þar á meðan hún heldur völdum. Síðasta afrek stjórnarinnar slær út öll afrek allra fyrri ríkisstjórna Íslands.

Gunnar Heiðarsson, 6.12.2010 kl. 00:26

10 Smámynd: Jón Óskarsson

Ríkisstjórnin drepur alla sjálfsbjargarviðleitni.   Nýjasta útspil stjórnarinnar var að gefast upp fyrir bönkunum og lífeyrissjóðunum og skrifa undir viljayfirlýsingu sem setur fólk í verri stöðu en það hafði kost á fyrir.   Nú er verið að refsa þeim sem lagt hafa á sig aukna vinnu og reynt allt sitt til að komast út úr kreppunni sem best.  Það má enginn hafa meiri tekjur en næsti maður og með nýjustu aðgerðum er verið að segja fólki að hætt að vinna aukavinnu, lækka helst við sig launin og koma svo skríðandi í 80ára langri biðröð (tekur 80 ár með sama vinnuhraða að afgreiða alla sem í vanda eru staddir) til þess að leggja fram alla mögulega pappíra heimilisins til að geta sýnt fram á að vera nú loksins orðinn nógu tekjulágur að hægt sé að fá einhverjar leiðréttingar.   Með því að stilla af lánin í 110% af fasteignamati (jafnvel þó það sé miðað við matið núna 1.des.) er fólk múlbundið niður í sínum eignum.  Fólk getur ekki selt, fólk getur ekki flutt (t.d. til að sækja vinnu í öðrum landshlutum), það losnar ekki um neitt fjármagn sem gæti nýst hagkerfinu.  Aðgerðirnar voru því verri en að gera ekki neitt, en það er reyndar ekkert nýtt þegar þessi ríkisstjórn á í hlut.  Allt sem hún gerir gerir hún of seint og af slíkum klaufaskap og vanhugsun, nema að því leiti einu að þetta er allt liður í því að gera alla að öreigum og bótaþegum.   Ég veit reyndar ekki hvernig það hefur verið hugsað hvernig á svo að fjármagna til framtíðar að halda allri þjóðinni uppi af ríkinu ?  Sennilega best að fara að gramsa í einhverjum skjölum um hvernig þetta var framkvæmt í DDR og fleiri austantjaldsríkjum hér um miðja síðustu öld.

Jón Óskarsson, 6.12.2010 kl. 10:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband