Lilja flytji vantrauststillögu á ríkisstjórnina

Lilja Mósesdóttir hefur undanfarna mánuði talað eins og harðasti stjórnarandstæðingur og hefur marg lýst því yfir að ríkisstjórnin sé á algerum villigötum og vinni í raun gegn hagsmunum almennings í landinu.

Allt er þetta rétt og satt hjá Lilju og því er alveg óskiljanlegt að hún skuli ennþá segjast vera stuðningsmaður ríkisstjórnarinnar og hefur passað vandlega upp á að frumvörp ríkisstjórnarinnar komist klakklaust í gegn um þingið og allar hinar ómögulegu aðgerðir, að áliti Lilju, hafa orðið að lögum, sem eins og hún segir hafa stórskaðað hag heimilanna í landinu.

Einnig gefur Lilja sig út fyrir að vera algjöran andstæðing fjárlagafrumvarpsins og niðurlægir formann flokks síns með því að segjast vera fylgjandi einhverju óljósu bulli í Jóhönnu Sigurðardóttur um þau, en eins og allir vita segir Jóhanna eitt í dag og annað á morgun.

Flytji Lilja ekki vantrauststillögu á ríkisstjórnina á fyrsta þingfundi eftir helgi, stimplar hún sig endanlega inn í þingsöguna sem einn mesti lýðskrumari sem þar hefur setið og aldrei verður tekið mark á einu orði sem frá henni kemur framar.

Líkjast kommúnistaflokkunum

Athugasemdir

[Jón Óskarsson (IP-tala skráð) 21.11.2010 kl. 20:47]

Jóhanna skoraði á stjórnarandstöðuna að gera það en Lilja þorði ekki.

Lilja og fleiri hafa verið í stjórnarandstöðu ansi lengi.

Samt lifir stjórnin og það með stjórnarandstæðing innanborðs. 

[Reynir Trausti (IP-tala skráð) 21.11.2010 kl. 22:47]

Sú sérstaka staða er í íslensku stjórnmálalífi að þótt flestir vilji ekki þessa ríkisstjórn þá vill enginn það sem býðst í staðinn.

[Axel Jóhann Axelsson, 21.11.2010 kl. 23:39]

Allt sem kæmi í staðinn fyrir þessa ríkisstjórn yrði til mikilla bóta fyrir þjóðina og gæti komið henni upp úr þeim hjólförum sem hún spólar í núna.

[Skúli (IP-tala skráð) 24.11.2010 kl. 00:52]

Þú hefur greinilega mikla trú á henni heyri ég.  Mér finnst ég hafa heyrt þetta lýðskrumstal áður hér á moggablogginu, eyjunni og á fleiri stöðum og finnst það frekar þreytt.  Hvernig fyndist þér ef einhver þingmaður í þínum flokki (xD vænti ég) myndi þora að gagnrýna flokkinn aftur og aftur og myndi svo koma með vantrauststillögu gegn honum ef hann væri í ríkisstjórn?  Yrðir þú ánægður með það? Að sjálfsögðu myndi það aldrei gerast því xD er mjög samheldinn flokkur, svo ekki sé meira sagt!  Myndirðu kalla þennan þingmann "einn mesta lýðskrumara sem hefur setið á þingi" ef hann myndi ekki bera fram vantraust?  Af hverju skiptir þetta vantraust þig svona miklu máli?  Lilja hefur sínar hugmyndir og henni leiðist þessir flokkadrættir eins og mörgum öðrum.