Hriktir í myntbandalaginu

Þjóðverjar eru farnir að ókyrrast verulega vegna efnahagsástandsins í mörgum löndum evrulöndum, en nú um stundir er ástandið verst í Grikklandi, en þó stefnir í afar erfiða stöðu víðar, svo sem á Spáni, Portúgal, Írlandi, að ekki sé minnst á ástandið í Eystrasaltslöndunum, sem hafa bundið gjaldmiðil sinn við evruna.

Í gær fór fram fjörug umræða hérna á blogginu um hvor yrði langlífari, evran eða krónan og má segja að brestirnir í evrusamstarfinu séu að koma upp á yfirborðið mun fyrr, en ætla hefði mátt, þó ýmsir sérfræðingar hafi alllengi spáð því að evran væri dauðadæmdur gjaldmiðill, nema með einni sameiginlegri efnahagsstjórn á allri Evrópu og að ESB verði gert að einu ríki.

Þýskaland er langsterkasta hagkerfi Evrópu og Þjóðverjar ráða því sem þeir vilja ráða innan ESB og því eru það stórtíðindi, að þeir séu búnir að fá nóg af ýmsum "bræðraþjóðum" sínum og séu á kurteislegan hátt farnir að viðra þá hugmynd að fækka "bræðraþjóðunum" innan myntsamstarfsins.

Niðurlag fréttarinnar sýnir hvern hug Þjóðverjar hafa til þessara mála, en þar segir:  "Þær raddir verða sífellt háværari í Þýskalandi, bæði á meðal stjórnarliða og stjórnarandstöðu, að Grikkir eigi að hugleiða það að segja sig úr evrópska myntsamstarfinu."

Næst má reikna með að slík "beiðni" verði harðorðari af hálfu Þjóðverja.

 

Vilja Grikki af evrusvæðinu

Athugasemdir

[Ómar Bjarki Kristjánsson, 24.4.2010 kl. 18:40]

Hvaða heimildir hefur Dabbi fyrir niðurlagi fréttar sinnar ?

Það eru altaf "raddir uppi" um alla skapaða hluti í veröldinni.

Hvaða hæáværu raddir er verið að tala um.

[Axel Jóhann Axelsson, 24.4.2010 kl. 19:06]

Þar sem þú veist násast allt um það sem gerist í Evrópu, ekki síst innan ESB, þá þarftu líka að vita hvernig dagblöð verða til.  Ritstjórarnir skrifa ekki fréttirnar, heldur fréttamenn, sem eru undir stjórn fréttastjóra, sem metur hvaða fréttir skulu birtast hverju sinni.  Margar fréttir eru þýddar úr erlendum blöðum, sem nokkuð örugglega má telja víst, að Dabbi skrifi alls ekki.