Gott frumkvæði Framsóknarmanna

Ekki er annað hægt, en að hæla Framsóknarmönnum fyrir frumkvæði þeirra við að verja málstað Íslands á erlendri grundu, og að sama skapi er það stórundarlegt, að ríkisstjórnin skuli ekki hafa sýnt nokkurt einasta framtak í varnarbaráttunni gegn Bretum og Hollendingum.  Þvert á móti hefur hún barist um á hæl og hnakka fyrir málstað þrælapískaranna og reynt að sannfæra þjóðina um, að hún væri í ábyrgð fyrir einhverjum skuldum Landsbankans erlendis.

Loksins núna fyrir nokkrum dögum er Jóhanna, meintur forsætisráðherra, að fikra sig til baka í málflutiningi sínum fyrir herraþjóðirnar og farin að tala um að það sé ósanngjarnt af sér og félögum, að pína Íslendinga til þess að borg þetta, en hún sé bara svo aum í bakinu, undan svipuhöggunum, að hún sé búin að gefast upp fyrir ofbeldinu. 

Þegar stjórnin springur, getur hún alltaf haldið því fram, að hún hafi alltaf verið sammála þjóðinni í málinu, en orðið að fórna sér og þurft að úthella blóði sínu í nafni þjóðarinnar.  Það er nokkuð hart að stjórnarandstaðan skuli hafa tekið forystuna í Icesave og fjármálum þjóðarinnar, eingöngu vegna þess, að hún getur ekki lengur horft upp á algert getuleysi ríkisstjórnarinnar í öllum málum.

Miklu eðlilegra væri, að stjórnarandstaðan skipti um sæti við núverandi stjórnarflokka.

Spurning er, hvort tími Jóhönnu kom nokkurn tíma.

Hann er þá að minnsta kosti löngu liðinn.

Mikill velvilji í garð Íslands

Athugasemdir

[Jenný Stefanía Jensdóttir, 7.10.2009 kl. 17:04]

Ég er alveg sammála Axel þetta er gott frumkvæði,  það er sama hvaðan gott kemur.

Furða mig á máttleysi núverandi ríkisstjórnar í að kynna málstað hins almenna borgara á Íslandi.  Stjórnvöld og útrásarvíkingar hafa hins vegar hæpinn málstað í besta falli.

[Axel Jóhann Axelsson, 7.10.2009 kl. 17:16]

Jenný, maður verður að hrósa Framsóknarmönnunum, þá sjaldan að maður er ánægður með það, sem þeir eru að gera.

Ríkisstjórnin er og hefur verið í andarslitrunum, alveg frá fyrsta degi.  Það er orðið átanlegt, að horfa upp á þetta langdregna dauðastríð.

[áhugasamur (IP-tala skráð) 7.10.2009 kl. 17:18]

ég fór útá pöbb í Þýskalandi í gær, og þar voru allir gestirnir mjög velviljaðir í garð Íslands. Fæ ég líka hrós frá ykkur?

[Hrós dagsins. (IP-tala skráð) 7.10.2009 kl. 17:53]

Keep on the good work, áhugasamur.  Eða þurfturðu kannski að gefa einn á línuna til að þýskarinn léti velvilja sinn í ljós?

[áhugasamur (IP-tala skráð) 7.10.2009 kl. 18:13]

Takk Hrós dagsins fyrir hrós dagsins, Þýskarinn lánaði mér fyrir línunni :-)

Ég var með sama "umboð" og Sigmundur. Ég hitti flokks... eh... starfsfélaga mína, eins og Sigmundur. Ég kom til baka með þá vissu að þeir væru velviljaðir Íslandi í garð. Og nú vil ég að allir viti það, eins og Sigmundur vill að allir viti að hann hafi hitt flokksfélaga sína í Noregi. Ég vil bjarga Íslandi, Sigmundur líka. Lets party!!!

[sigurður helgason (IP-tala skráð) 7.10.2009 kl. 18:16]

Það er alltaf svona hjá okkur Íslendingum, loksins að einhver rífur sig upp af raskfatinu og reynir að gera einkvað,

 koma áhugasamir og reina að rífa það niður hafi þeir skömm fyrir, ef satt reynist að hann fái lánið hjá norðmönnum skal ég kjósa hann í fyrsta skipti á ævinni,

[Loftur Altice Þorsteinsson, 7.10.2009 kl. 19:54]

Framsókn hefur staðið sig vel, ekki bara í málflutningi um vandamálin, heldur hafa þeir nú tekið frumkvæði sem gæti leyst úr flestum vandræðum. Ef samskipti Framsóknarmanna við Norveg leiða til stórs láns sem losar okkur undan hand-rukkurum Evrópusambandsins, þá verður getuleysi Icesave-stjórnarinnar þeim mun augljósara.

Ég hef áður bent á, að engu er líkara en viðbrögð Skandinavanna hafi verið pöntuð af Icesave-stjórninni. Þessi viðbrögð hafa ekki verið í samræmi við vilja þjóðþinganna, svo ekki sé minnst á Norrænu þjóðirnar. Það eru ríkisstjórnir landanna, sem hafa sýnt okkur puttann. Það eru ríkisstjórnirnar sem hafa átt samskipti við Icesave-stjórnina.

Ég get ekki annað séð, en hreyfing Evrópskra Sossa standi að baki svikum Jóhönnu og hennar liðs. Hver sviðssetningin á fætur annari hafa séð dagsins ljós, ótæpilega kryddaðar lygum. Það er stórveldi Sossanna sem er í uppbyggingu í Evrópu. Þeir hafa lengi unnið að þessu máli og tekist að blekkja marga.

Við ættum að leggja dæmið þannig fyrir Norðmenn, að ef þeir veita okkur feita lánalínu, þá drögum við umsóknina um ESB-aðild til baka. Norðmönnum er örugglega akkur í, að við verðum áfram með þeim í samningum við ESB. Auðvitað ættum við ekki að stíga nein skref í samskiptum við ESB, nema í nánu samstarfi við Norðmenn.

• Hvers vegna hefur samstarf við Norðmenn verið hundsað á sviði utanríkismála ?
• Hvers vegna hefur samstarfi við Bandaríkjamenn verið hætt, á öllum sviðum ?
• Hvers vegna ræktum við ekki þau góðu tengsl sem verið hafa við Þýðskaland ?