Ríkisstjórn í dag eða á morgun

Erfiðlega gengur að mynda ríkisstjórn til bráðabirgða.  Undarlegt er að eftir fimm daga vinnu, þar sem sagt var að nótt hefði verið lögð við dag, til þess að vanda stjórnarsáttmálann, skuli hann ekki hafa verið burðugri en svo að Framsóknarmenn sögðu hann svo óljósan og ómarkvissan að ekki væri hægt að skrifa upp á kosningavíxilinn.

Hagfræðingar Framsóknar sögðu verkáætlunina óskýra og í raun ónothæfa, þannig að leggja yriði fram nýja aðgerðaáætlun til bjargar heimilunum.

Hvað var verið að gera alla vikuna.  Var eingöngu verið að þrefa um ráðherraembættin?

 

Stjórn mynduð í dag eða á morgun

Athugasemdir

[corvus corax, 31.1.2009 kl. 11:28]

Samfylkingin á að skila stjórnarmyndunarumboðinu STRAX og láta framsókn um að svara fyrir helvítis frekjuna og bullið. Og í framhaldi af því mundi framsóknarflokkurinn endanlega þurrkast út í kosningunum í vor.

[Gestur Guðjónsson, 31.1.2009 kl. 11:34]

Krummi, er það helvítis frekja að þeir sem taka tilboði Framsóknar uppfylli þau skilyrði sem sett voru í tilboðinu í upphafi?

[Guðrún Helgadóttir (IP-tala skráð) 31.1.2009 kl. 11:40]

Hvað var Framsókn að gera alla vikuna? Voru þeir ekki með ákveðnar hugmyndir, þarf alla helgina í að skoða málið  - gera sig breiða? Mér fannst sorglegt að sjá Sigmund, sem hingað til hefur horft beint í augun á viðmælanda sínum og viðurkennt að hans flokkur hefur ekki umboð, segja með hviku augnaráði að Framsókn þurfi meiri tíma. Þarna er flokkseigendafélagið að þrýsta á hann. Enda er helst á Siv Friðleifsdóttur að skilja í útvarpinu núna að Framsókn sé í fýlu yfir að boðað var til blaðamannafunda of snemma að þeirra mati. Fattar þetta fólk ekki að almenningur er orðinn fullsaddur af svona plotti og fléttum?

[Gestur Guðjónsson, 31.1.2009 kl. 11:45]

Guðrún, telur þú að það hafi verið hlutverk Framsóknar að skrifa stjórnarsáttmálann fyrir VG og S?

[Axel Jóhann Axelsson, 31.1.2009 kl. 11:52]

Það kom fram að Framsóknarmenn fengu ekki að sjá stjórnarsáttmálann fyrr en kl. 13:30 á föstudag og þá var búið að boða fréttamenn til fundar við styttu Jóns Sigurðssonar kl. 18:00.

Var ekki lágmarkskurteisi að sýna Framsókn plaggið áður en boðað var til sýndarmennskunnar við fótstall Jóns.