Snillingurinn Lars reyndist sannspár um frestun starfsloka sinna

Lars Lagerback og Heimir Hallgrímsson hafa náð ótrúlegum árangri með íslenska landsliðið í knattspyrnu og auðvitað eiga liðsmennirnir sjálfir stóran þátt í þeim ótrúlegu úrslitum sem náðst hafa í aðdraganda EM og á mótinu sjálfu.

Lars mun láta af störfum sem þjálfari eftir EM en reyndist sannspár um að leikurinn gegn Austurríki yrði ekki lokaleikur hans með liðinu, svo sannfærður var hann um að strákarnir næðu að komast í sextán liða úrslit keppninnar, en að það skuli hafa gerst er í raun lyginni líkast.

Í fréttinni er m.a. haft eftir þjálfaranum um liðið:  "Minn­umst þess að þetta er þeirra fyrsta stór­mót og and­legi styrk­ur­inn í liðinu er al­gjör­lega magnaður."  

Auðvitað eiga leikmennirnir sjálfir stærsta þáttinn í stórkostlegum árangri liðsins, en hlutur þjálfaranna er líka stór enda vinnast sigrarnir ekki nema með góðri leiðsögn og forystu þjálfarateymisins.

Árangum liðsins og þjálfaranna vakti mikla athygli í knattspyrnuheiminum strax og tekist hafði að tryggja þátttökuréttinn á HM og Lars og Heimir taldir með bestu þjálfurum ársins 2015, eins og sjá má hérna:  http://www.mbl.is/sport/efstadeild/2015/12/31/lars_og_heimir_a_medal_theirra_bestu/

Næsti leikur liðsins verður á mánudaginn gegn Englandi og án efa munu strákarnir berjast eins og ljón í þeim leik, þó varla sé raunhæft að reikna með sigri þeirra. Úrslitin á mótinu til þessa eru svo stórkostleg að hvernig sem fer í næsta leik verður frammistaða liðsins og þjálfaranna í minnum höfð meðan fótbolti verður spilaður í landinu.


mbl.is Lars: Ekki lokaleikur minn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Halldór Egill Guðnason

Þessar síðustu sekúndur í leiknum í dag hafa stórskaðað raddböndin. Svo gaman að þessu að fáu verður viðjafnað. Hvernig svo sem áframhaldið spilast, hefur landsliðið og þjálfarar þess tendrað nánast ólýsanlegan loga, meðal þjóðarinnar. Húrra fyrir þeim öllum.

 Góðar stundir, með kveðju að sunnan.

Halldór Egill Guðnason, 22.6.2016 kl. 20:15

2 identicon

Thad er otrulegt hvad haegt er ad gera ef menn leita til topp fagmanna eins og Lars, vonandi

finnum vid fleiri slika fyrir fjarmalageirann, politikina, menntakerfid ofl.

bjarni (IP-tala skráð) 23.6.2016 kl. 13:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband