Niðurlægja Jóhönnu í kveðjuskyni

Guðbjartur Hannesson, erfðaprins Jóhönnu Sigurðardóttur, tapaði með miklum mun í formannskjöri Samfylkingarinnar, en úrslitin voru tilkynnt á landsfundi flokksins fyrr í dag.  Aðeins tæpur þriðjungur þeirra sem rétt höfðu til þátttöku í kjörinu nennti að rétta út hendina til að greiða atkvæði þrátt fyrir að þurfa aðeins að kveikja á heimilistölvunni og þurfa ekki að ómaka sig um langan veg á kjörstað í óvissum veðrum.

Jóhanna Sigurðardóttir hefur verið í einhverri óskiljanlegri hefndarherferð gegn Sjálfstæðisflokknum allt kjörtímabilið þrátt fyrir að hafa starfað í ríkisstjórnum með þeim flokki árum saman og nú síðast í þeirri ríkisstjórn sem hún sjálf kallar "hrunstjórn".  Í lokaræðu sinni sem formaður sagði Jóhanna að framundan væri harðvítugt stríð við Sjálfstæðisflokkinn, sem hún vonaðist til að erfðaprinsinn myndi stjórna.

Árni Páll Árnason, hinn nýkjörni formaður, sneri niðurlægingarhnífnum í sári Jóhönnu með ýmsu móti í þakkarræðu sinni og sagði m.a., samkvæmt viðhangandi frétt:  "Við erum á tímamótum og það er erfitt að sjá að frekari stríðsrekstur verði Samfylkingunni til árangurs eða virðingarauka. Við höfum háð of mörg stríð án árangurs þetta kjörtímabil og við verðum að læra af þeirri reynslu,“ sagði Árni Páll og hvatti til annarra lausna.

Sjaldan hefur viðtakandi formaður í stjórnmálaflokki niðurlægt og afneitað fyrirrennara sínum á beinskeittari hátt. 

„Stríðsrekstur ekki til árangurs“

Athugasemdir

[Björn (IP-tala skráð) 2.2.2013 kl. 14:03]

Já það er leit að stjórnmálamanni í veröldinni sem á jafn mikið erindi á ruslahauga stjórnmálanna og Jóhanna Sigurðardóttir.

[Axel Jóhann Hallgrímsson, 2.2.2013 kl. 17:52]

Það er víða þátttökuleti í svona kosningum nafni. Á síðasta landsfundi Sjálfstæðisflokksins sem 1600 manns sátu tóku 1323 þátt í formannskjöri, eða rúm 80%. Í kosningu um ESB viðræður á sama landsfundi kusu aðeins 511 eða 31% rúm. Kosningin var endurtekin og þá náðist heldur skárri þátttaka. Þetta verður að telja hámark letinnar þegar menn voru á staðnum og þurftu ekki að gera annað en lyfta andartak, annarri hendi upp í andlitshæð.

 

[Heimir Lárusson Fjeldsted, 2.2.2013 kl. 17:56]

Fyrsta ádrepa Árna Páls og örugglega ekki sú síðasta.

[Axel Jóhann Axelsson, 2.2.2013 kl. 18:30]

Ósköp eru menn eitthvað hörundssárir, nafni, vegna leti Samfylkingarmanna, sem sjálfsagt hafa einhvern tíma kveikt á tölvunum sínum alla þá daga sem kosningin stóð yfir án þess að nenna að greiða atkvæði í formannskosningunni. Í þeim tilfellum sem þú nefnir þurftu menn þó að standa upp frá borðunum sínum og ganga nokkurn spöl til að greiða atkvæði. Sumir gætu hafa verið fótafúnir, eða þreyttir. Þar fyrir utan er ekkert einkennilegt við lítinn áhuga á ESBkosningu.

[Jóhann Kristinsson, 2.2.2013 kl. 18:56]

Kellinga ræfillinn þá er hennar ferill farinn að nálgast endalok.

Ekkert eftir nema að rjúfaþing og kalla hana á Bessastaði og skila lylkunum og þá er hennar tími liðin, sem betur fer.

Kveðja frá Las Vegas

[Axel Jóhann Axelsson, 2.2.2013 kl. 19:16]

Það er óneitanlega kaldhæðnislegt að ráðherrann sem Jóhanna rak úr ríkisstjórninni skuli nú vera orðinn yfirboðari hennar.

[Erla Magna Alexandersdóttir, 2.2.2013 kl. 20:28]

hÚN HEFUR  afneitað og logið- notað kosningaherferð- um að standa með þeim sem minna mega sín.- svikið það. Það MUNU LIFA SVIKIN LOFORÐ ÞESSA FLOKKS UM ÓKOMIN ÁR.'OG TORTRYGGNI ER SÁÐ AF HENNI Í VEIK HJÖRTU SEM LITU UPP TIL HENNAR. OG SÁU BETRI DAGA. SVIK- ERU HENNAR ÚTGANGSORÐ.

[Hrólfur Þ Hraundal, 2.2.2013 kl. 21:40]

Allir sem hlýddu boðum hennar á kjörtímabilinu, eru jafn sekir um þau óhæfuverk sem hún kom á koppinn sem og þau sem hún drap.

Þó að Árni Páll sé ekki jafn andskoti vitlaus og hún, þá hefur hann sýnt að hann er ágætlega liðtækur í að klambra axarsköft.  Og sjálfsálitið hrokinn og yfirgangurinn er til staðar enda strax lagt af stað og það er ekki spurt, heldur það skal í Evrópurugglið.     

              

[Teitur Haraldsson, 3.2.2013 kl. 03:03]

Ég kaus hvorugan vegna þess að mér líkaði við hvorugan.

Ætli það geit verið ástæðan hjá mörgum öðrum?